2月1日 HKG=>NRT, NRT=>LAX
偽背包客正式出發！(明明有拉喼。。)
雖然係買左UA機票但係由香港去LA兩程機都係由ANA 營運既， 日本人比較多，感覺唔錯
有成2個幾鐘轉機， 又唔洗拎行李再checkin, 大把時間，見到 gate 附近有得免費著武士衫，又去湊下熱鬧先~(請無視對人字拖。。。點解可以咁唔夾)
再買我至愛既芝士腸以備起南美果陣不時之需
之後就上機喇~
日式晚餐，雞飯唔錯~
再黎早餐，日式便當style, 幾時都咁好食
臨到LA d 山脈好壯觀！(sor大鄉里第一次去LA)
Btw LA city 上空睇好似一堆好整齊既廢墟
見到美國旗已經覺得自己離南美好近！
有3個鐘轉機但時間都好趕。。immigration 都排左個幾鐘，去到LATAM checkin counter 都得番唔夠1個鐘
上機去Lima 喇！
Lunch 都幾豐富，好中意cracker 搽芝士
反而dinner就簡單d, 但個cheese sandwich 好好食！
當我叫野飲果陣，
我：Tea please
空姐： Sugar?
静係茶都要落糖？！我有d surprised! 但後黎就知道原來秘魯同玻利維亞人都好中意飲甜野！飲茶都要落糖漿！
凌晨12點半落左機到lima 機場，見到Claro counter有得賣sim card, 睇下幾錢先~嘩嘩嘩最平都90usd! 好彩我買左sim card 姐。。。(不過claro起南美signal 又真係好好多，有錢人之選！)
事關要起機場等多6個鐘等埋travel buddy E先生一齊出發， 上機場2樓揾個靚位打躉先，2 樓有好多餐廳同food court, 周圍都見到好多人訓地下。。。
Jetlag 關係唔想再訓教亦都唔夠薑， 經過starbucks 又咁岩比我霸到個叉電位， 一於今晚起度過
我今次去既4個國家都係講西班牙文既， 而西語既英文字母發音都已經同英文好唔同；我同staff 講我個名係Miu, M-I-U, 結果變左Amayu......mi nombre nuevo jajaja
坐坐下同對面秘魯靚女kristie傾計，原來佢係起郵輪教英文既，而佢老公就係起郵輪做廚， 而家準備飛去caribbean果邊上船做野， 見佢fb d 相成日都陽光與海灘真係令人羡慕又妒忌。。。
佢住起lima 以北既一個城市， 但就冇去過cusco, 其實去旅行時好多時都發覺當地人好少去當地既旅遊點。。。
南美之旅既第一個empanada, 感覺似食雞批但比較dry...
終於等到E先生落機一齊起機場唱少少錢，
再搭的士去bus terminal再搭巴士(36sol) 去Pisco再轉的士去Paracas(聽到都覺得攰。。)
(Lima直接被skipped 因為治安差又冇咩特別景點)
本身諗住自己行出機場少少截的士會平d(機場入面call約60sol), 點知行到一半比魔鬼黑的引誘成功，40sol,
但點知上左黑的之後出唔到機場停車場道閘，又要我地比多10sol 停車場錢，仲要搞左差唔多成半個鐘先出到去。。。自此之後都唔敢再坐黑的。。。
輾轉到左Paracas之後首先當然係去hostel checkin 左先！ Kokopelli Paracas係起booking.com 一早揾左既，6人房38sol, 裝修同氣氛都好好！
(reception 仲幾靚女。。。)
秘魯周圍都見到壁畫，呢間hostel 當然都唔例外啦
抖一陣就去醫肚， hostel 隔離就有成排餐廳，點知初黎南美報到第一餐就中伏，睇左幾間餐廳餐牌都冇寫價錢就是但揾間坐低左， 普普通通一個炸魚飯竟然要30sol(hkd72左右)...味道普通。。。
之後就去揾旅行社book Paracas既主菜 Isla Ballestas 鳥島 (俗稱窮人版Galápagos群島) , 聽朝出發~(hostel 都有得book, 但貴D, 我諗其實揀邊間旅行社都係上果D船, 所以一定係搵間最平既)
跟住就番hostel 後面既沙灘hea 喇~
睇住日落, 聽住其他國藉既旅客彈結他JAM歌, 再配合黃昏既涼風.....
呀....舒服到我都唔知講咩好
夜晚直接起hostel食burger, BAR既氣氛都好好, 仲有駐場紋身師傅, 好pro果隻!!
又有乒乓波台同足球機, 同E先生玩左好耐!!
話說起呢間hostel識既旅客全部都好後生, 有個1米9成面鬍鬚既美國男仔我以為25歲左右,
原來都係得19歲...真係羨慕外國人咁後生去旅行係一件幾咁平凡既事....
2月3日 Paracas鳥島 - Huacachina滑沙
朝早8點旅行社就黎hostel接我地, 上左shuttle 10min唔洗就到碼頭lu~
鳥島Tour 2個鐘左右, 有時間既之後可以去埋Paracas國家保護區, 不過我地要去huacachina就冇去lu
架快艇逼到好似難民上大飛咁!!
坐我前面既妹妹好cute!
去鳥島途中，經過一幅有燭臺的地畫，名叫Paracas Candelabra。
據悉建造於公元前二百年，同Nazca既地畫有D相似，不過呢個係屬於Paracas文化的。起距離地畫十二里既海面上都睇到，由於地畫係建造於公元前二百年，美洲仲未被歐洲人發現，所以地畫是與歐洲人無關既~
好驚人數量既海獅!
Peruvian Pelican 大咀鳥, 係南美西部海岸特有
飛緊個look都好棧鬼!
見到企鵝喇~~好似有保護色咁
密密麻麻既鳥, 唔知點解我諗起我起鳳凰山睇日出既情景
D海獅哂太陽個舒服樣真係....我下世可以做一隻海獅嗎?
大家唔知見唔見到有隻大笨象呢
黎到呢個位聽到全部海獅起度叫, 好似大合唱咁! 加上回音, 感覺好震撼!!
可惜我錄到既只係得引擎聲同傾計聲...............
睇完呢個tour既highlight就番歸lu~
之後由碼頭行番去hostel果邊
E先生好受同團鬼妹歡迎呢....
tour張飛包埋去呢個Time machine Museum既, 其實就係講解下Paracas既history
入左間capsule之後真係會黑到咩都睇唔到,
唔知點解呢個time machine要比種莫名既恐怖感比人...
比人施巫術都仲咁開心....
路邊有箱鼓比人玩, 呢家人玩得好開心~(仲好襯仔仔添...)
D花好靚! 好似番左去越南美奈大叻咁!
捕夢器係印第安人既傳統玩意, 所以起南美都經常見到
之後跟左同團一個識講西班牙文既男人一齊食lunch, 又去番尋日食lunch果排餐廳,
佢同老闆講佢budget就係得10sol, 結果個lunch有salad, main dish 加可樂都只係10sol!!!!
點解我地尋日食左成30sol...真係好唔公平!!!早知我再上多幾堂西班牙文先啦!!!
等到2點左右就去Huacachina玩滑沙喇~ 巴士係起hostel book既
直接去到玩滑沙既公司, 行李可以放起佢地度, 滑沙30sol左右
之後就上架咁既越野車喇~點知行左5分鐘就話壞車要換車XD
架越野車有時chok下chok下咁, 成車係咁不停叫!!
如果冇安全帶一定飛左落車!!
不斷上斜去到好高~~跟住比我地落車影相
之後去到一個合適既位就比我地滑沙喇~~
塊滑版好似snowboard咁, 只係我地而家係叫Sandboard~
就咁用手捉實塊sandboard就衝落去喇!!好爽!!! 可惜條片意外地冇左....
滑沙容易上沙難, 幾經辛苦先上番去....
之後轉地方又滑多次~
去左個小斜坡我仲試下好似snowboard咁企住滑落去添~條片都係意外地冇左....
回程果陣係咁衝上衝落連個patpat都堅離座!!成車喪尖叫!!!好好玩!!
好快就番到綠州lu~
搭的士去Ica既bus terminal, 起附近間中國餐館食左個炒飯就上夜巴去Arequipa喇~
(唔好問我點解唔係去Cusco先...其實應該去左Cusco先係順路D)
好中意秘魯D 的士!! 架架設計都唔同! 好有特色!
