話說尋日約左Santiagos
9點半起Paine
Grande一齊出發去Grey,
點知我執backpack好慢(第4日都好攰架喇….),
7:50am先正式起行, 今日終於要孤身上路, 好似已經好耐冇自己一個行咁…好彩由Italiano去Paine Grande條路係W trek之中最易行, 我呢個方向仲要係落多過上~
仲比我睇到日出同日照金山+彩虹添!!!
好好彩!! 呢個咁靚既moment真係好想有人起隔離一齊分享!!
望到Paine Grande喇!! 中間啡黑色果度~
盡哂力去到Paine
Grande都已經10點, 起Paine Grande搵唔到Santiagos,
佢地應該已經出發左喇…於是我慢慢起度食個early
lunch同抖抖先~~11點再出發去Grey~
鴨仔湖~但見唔到有鴨wor...
今日上落都幾大......
話說百內既風係由西面吹過黎既, 所以每逢一上Mirador就超大風!! 企都企唔穩呀!!
呢段急降難度都幾高....
幾經辛苦終於去到Camp Grey, 第一時間搵個靚位扎好營先, 揀左個最近樹林既位置, 因為呢度真係好大風…扎好營之後撞番起Refugio
Cuernos同房既日本情侶, 原來呢次係佢地係第一次露營!!不過佢地係租Refugio提供既帳篷同餐飲, 所以非常輕鬆~
整頓好就搵埋佢地一齊去Mirador Grey~由Camp site行過去10分鐘就到~
冰川跌落黎既碎塊吹哂過黎呢邊~
點解會又舊冰起度架呢?! 吹到上咁高??
原來Glacier
Grey既面積因為Global
warming既關係呢幾十年縮得好快, 可能過多幾十年就會消失架喇….
日本情侶原來唔知聽日船既時間, 好彩有我話佢地知haha~
抖一陣5點幾去沖涼, 估唔到都兩格沖涼位, 要排長龍…排左半個鐘先有得沖涼…排隊果陣我地講笑話每人要自我限制最多沖7分鐘…哈哈
但最估唔到係, 第一次見男廁條龍長過女廁!!哈哈!!睇得出行百內既人係男多過女~~
沖完涼出黎又撞番Greg(第5次撞到), Arturo同Oscar~~佢地已經逆時針咁沿住O trek黎到Grey~~
之後就去cooking
room煮野食喇~~(等唔切Greg佢地仲要去mirador同沖涼….) Refugio
Grey既cooking
room好熱鬧, 坐到好full~隔離d鬼佬好驚訝我每餐都要食兩個portion既份量XD(有時係2.5個portion添) 佢地只係預左每餐食1個portion, 佢地整完出黎都覺得有D唔夠飽…
食完晚餐當我扭番個stove出黎果陣, 半米高既火球又再次出現!!! 但因為我自從第一晚火球事件之後每次都以最快速度扭開/扭實個stove,
所以今次火球出現左1秒就消失左喇!! 隔離幾台人又嚇到O左咀哈哈!! 好彩隔離成面鬍鬚既男人岩岩去左洗碗, 如果唔係燒哂佢D鬚都似XD
<柯南mode>經過第二次火球事件, 著火謎底已經解開, 我有理由相信係因為我每次扭開/扭實個stove果陣都會有少少gas漏出黎, 而當附近近距離有著緊火既stove既話就會出現搶火, 咁就解釋到點解我起hostel試果陣冇事, 中途兩日都冇事既原因</柯南mode>
呢晚係4晚之中最凍最大風…夜晚D風吹到個tent發發聲, 仲要放左3個暖包起睡袋入面都仲係好凍….
