昇仙峽=>井の頭恩賜公園=>吉祥寺=>六本木Hills=>六本木Midtown
今日第一個行程係去昇仙峽~
話說原本係諗住去河口湖駅坐JR去大月站再轉去甲府駅
因為起navitime 静係搵到呢條route
唉， 一早拉行李出黎仲要仲落緊雨仲要上斜坡覺得自己好黑仔既時候
行行下竟然見到有架去甲府駅既巴士向住我行緊埋黎！
原來係有巴士直接去！yeah!
呆左2秒以為自己發緊夢之後即刻截停巴士就上左lu,
又平d 又快d!! 係由富士駅=>河口湖駅=>甲府駅, 1個鐘左右就到~
因為早左到既關係，而第一架巴士去昇仙峽係9:10,
寄完行李入車站locker就去搵個靚早餐食先~
穿過jr站落番地面就係巴士站，
行去右手邊有間tully's coffee好似唔錯~
食飽就早15分鐘去巴士站排隊喇~ >巴士schedule< 紅葉期週末巴士會再密D添
咁岩後面有2個香港姐姐， 搭下訕又一齊行喇~
我地都係一搭搭到上最高既昇仙峡滝上站再行番落黎， 咁樣舒服d 丫嘛~
(雖然平時有行下山， 但呢幾日係咁行真係唔掂。。) >昇仙峡地圖<
姐姐們話首先要去睇寶石館。。。免費入場, 好，就同佢地行一行啦。。。
落車過橋去對面再向山上行5分鐘就到
呢個成個月球咁~
慢慢落番山， 見到有間神社好似求子女好靈， 姐姐們又買左道符仲即場入廟比師父作法
繼續行落去~
終於到左最出名既仙娥滝~但紅葉都落得7788..可惜。。
石門~
行左成個鐘先行到黎呢度...
沿途好多呢D橋~
竟然走先黎好天....激死....
行完山就去吉祥寺醫肚喇~向井の頭恩賜公園方向行,
見到1010左邊間CAFE排哂長龍, 應該幾好食, 不過排隊既野就唔輪到我喇...
行到去1010右邊條路見到Marion Crepes, 呢間係連鎖店~好多地方都有~
不過而家肚餓就特別想食~
買左個Honey & Cheese味~新鮮熱辣, Honey同Cheese既味出奇地夾!!正!!
原本想食多D野先, 但又就黎天黑於是行一行井の頭恩賜公園先~
一入去就見到有人表演魔術~好好笑呀!!
井の頭恩賜公園未有紅葉睇, 但環境好舒服, 好多人都起度跑步~
呢個畫面好浪漫~
跟住行去車站另一面搵食~
黎到吉祥寺緊係要去SATOU啦~不過牛肉球一早賣哂….得番炸豬肉球
唔緊要啦, 一陣都去食和牛燒肉放題~hehe
賣哂牛肉球條隊都仲有好長, 排左10分鐘左右就買到喇~
見到呢間Mama’s Waffle, 就突然好想食Waffle…買左個apple & cinnamon, 唔脆, 不過味道都唔錯~ 佢
跟住就拎行李番HOSTEL checkin左先~呢兩日都係起Hikari House Tokyo住,
離新宿站幾遠下, 不過去東新宿站就幾近~
因為一開始冇諗過咁遠, 而且未去過新宿, 就起新宿站行過去~
經過歌舞妓町~
經過見到某公園搞Belly Dance Contest+Keba Fest, 好熱鬧呀, 好想食(唔得..要留肚食燒肉放題…)
放好行李就去搵台妹FD喇~
話說尋日起FB見到之前起韓國識既台妹竟然同一日去左河口湖紅葉迥廊!!好有緣呀!!
即刻約左佢今晚一齊DINNER! 起韓國果陣台妹已經好識搵食, 今次果然都唔例外!
佢介紹我地去どうらく(中目黑焼肉)<<click,
由中目黑駅正面改紮出, 過左馬路, 右手邊座商場落B1層就係喇~好近~
一入門口唔算多人~全部都係日本客~~夜晚時段可以揀單點/放題(傻的嗎緊係揀放題啦….)
放題男女價錢係唔同既~男:3980yen, 女:3580yen呢樣野好人性化呀!!
另外如果想要飲料放題既話~soft drink:550yen 酒精飲料:1500yen
一開始唔洗點菜佢都會將最推薦既唔同款既牛比你~等你一次過食哂最好味果幾款!
有牛舌, 牛小排, rose, 牛腩, 牛臉頰肉等等
除左牛之外其實仲有豬, 雞, 冷面等等可以叫, 但我地就係要主攻和牛! 和牛! 和牛!
右手邊睇落好平平無奇既紫菜沙律, 配少少特製醬汁, 用黎包住燒肉一齊食簡直絕配!亦都冇咁油膩~
食到好飽都繼續叫!!直到食哂MENU入面全部牛再encore再叫再encore直到我諗我地三個月內見到和牛都驚為止….
因為六本木同中目黑好近~我提議去六本木mid-town睇聖誕燈飾~
但台妹係想去hills, 所以決定去完hills再去mid-town(兩個唔同方向黎架…又要做鐵人…)
臨走果陣突然轉左紅色燈~
再行番去地鐵站既mid-town出口…
好彩總算趕得切睇到最後果十分鐘…不枉此行~~
～End of Day 5~
沒有留言:
張貼留言