2016 富士山登山之旅 Day2-3 -登山篇

6點幾就去左酒店附近既 Family Mart 宅急便寄行李去河口湖住既hostel, 1000yen左右, 順便買早餐 (不過其實都可以放起五合目D locker既)

7點10分左右到左集合地點新宿西口　新宿センタービル地上, 一出N3出口就見到點緊名喇~~

一上車第一件事又係醫肚

 領隊kuro san起車度解釋下幾點會有休息站, 幾點會到五合目, 一陣會有地方可以租登山用品等等, 派埋d coupon同登山注意事項~

坐隔離位既靚女o架妹yukari san同佢成個光洙咁既老公shindaro san好好咁知我有d日文聽唔明,

慢慢咁講番d重點比我聽(雖然都係用番日文), 好nice呀!

9點幾去到休息站, 當然有好多野食同手信賣啦~

繼續出發, 今日好多雲, 富士山比雲遮住哂, 可惜~

 架車差唔多上到五合目既時候已經起雲海之上喇~~

10:15就到5合目喇~有時間比我地準備好行山裝束, 食個飯~11:10再集合

行到去雲上閣先發現漏左支行山棍起車度, 架車又走左!!!

好彩kuro san有檢查幫我拎左咋!! 冇行山棍真係唔知點行!!

 入到雲上閣就買左mini板金剛杖~~500yen

呢件衫好正XD

 上3樓整理下裝束, 搽埋防哂之後就落番2樓食飯~叫左個燒豚肉飯, 有得用coupon~

食到一半先記得影相...
因為驚有高山症, 帶左之前去西藏食剩既diamox, 其實要早一日開始食既, 不過而家先記得食...

 11:10食完去埋200yen洗手間就落去集合, 依然好大霧

Kuro san又派多張登山地圖比我地, 好似係起五合目都有得拎既

上面有哂廁所位同山小屋位置

 行山導遊開始再講解下注意事項~(好似同張紙講既野差唔多)

(後面有班小學生, 應該靜係行五合目既...)

 d霧開始散左D

之後導遊再帶大家熱下身

 仲派埋頭盔添! 導遊話落山容易SIN親, 我心諗會唔會大陣仗左D...

但日本人真係一個好守規舉既一個民族, 當我見全部團友都拎哂既時候都唔好意思唔拎...

 再介紹多次, 靚女o架妹yukari san同佢成個光洙咁既老公shindaro san

11:45正式出發!

 有陽光得黎但大霧, 行得幾舒服~

 大霧到咩都睇唔到...

12:20黎到六合目, 休息十分鐘~可以去下200yen洗手間, 之後就要到7合目先有喇~

休息時間亦不忘自拍

再次起行之前導遊再講解下上山千其唔好扶住D繩同欄杆, 唔穩陣架~

一陣一扯成舊石跌落黎後面D人就多得你唔少...
導遊話預計6個鐘左右就上到我地今晚住既トモエ館, 即係6點半左右

  依然白茫茫一片....

  1:20pm 雲開始散開囉~ 

青空を見たら、気持ちがいいなりましたね～

簡直就是在雲霧中穿梭

  1:37pm 全然真っ白だね。。。

 14:00pm 繼續雲霧中穿梭

 呢度開始要帶手套手腳並用爬上去喇, 收埋支行山棍先~

 14:23pm 到達七合目トモエ館休息~

我同yukari san竟然一齊拎左同一個牌子既芝士腸出黎食!!好岩key呀!!

我仲請左佢食香港買既鳳梨酥添~

燒印一個200yen, 上高D就要300yen架喇~

一上左七合目之後開始大風, 要著番件風褸先得~

3:30pm 到達東洋館

呢度已經開始高過雲層喇~ 愈黎愈見得多藍天~

16:20 到達八合目太子館! 

站在雲海上的一刻忍不住不斷按下快門

 左上角果舊就係龜岩喇~...不過我見唔到個龜頭囉...導遊話行上D就見到喎....

 咁近距離同雲接觸真係好奇妙, 而且仲郁得好快, 呢一秒同下一秒既景色已經完全唔同哂!

  5:20pm 到達白雲莊

 望住一片雲海心情真係難以言喻

17:46pm到達元祖室

到左八合目之後呢段路攰到媽媽聲...又有少少高山症既頭痛,
好彩個景亦都靚到媽媽聲.....望一望即刻精神番D

到最後休息點, 導遊又講下今晚安排, 7點左右食晚飯, 早D訓教,
2點半起邊集合, 準備好保暖, 頭燈等等
聽哂重點之後又係影相時間XD

6:23pm終於到左今晚住既トモエ館喇!!

入到去首先Staff會比個環保袋你裝住對鞋, 之後就分配床位~
雖然未至於膊頭貼膊頭咁窄, 但一坐起身就頂到頭.....

放好行裝之後又冒住寒風著住拖鞋出去影相~

7點左右就食咖哩飯喇~

有漢堡扒~都唔錯~

諗住睇下影唔影到星星, 但見唔到, 可惜..
我地呢團應該係第一批到, 番床位玩陣電話8點左右又黎左團講英文既,
之後8點幾就訓lu...
不過貼左一個暖貼都仲有少少凍, 而且周圍仲好嘈, 好難訓得著....

1:30am左右 室友就醒左要開燈喇...
執拾下行裝, 前後貼一個暖貼, 腳底再貼一對,
食條energy bar, 去下廁所(之後上山頂既路係冇廁所架喇),
戴埋頭盔(所有團友都戴哂......), 裝好頭燈 拉下筋咁
2點未夠已經見到出面好多外國人已經行緊.....好西利....
我出去去個廁所都就黎比風吹走....

7月2日   2:30am 就起屋外集合

竟然有人遲到, 2:45am先正式出發,  大風到人都癲,
好彩唔知係咪diamox而家先發揮作用, 頭痛冇再發作lu

由頭燈形成既燈龍真係好壯觀!!

第一次起雲上睇夜景!!

冇得停低set腳架影夜景係跟團行既最大缺點......難為我孭左支腳架成日....

直到差唔多日出到時間都只係見到一片白濛濛....
心諗唔係呀化我唔會再黎第二次架喇....比我見御來光啦....

4:30 am  突然聽到有人歡呼!  原來係見到少少太陽光....好過冇既...

4:45am 終於上到山頂!! 起呢個鳥居真係唔容易呀!!

5:00am 同山頂牌影完之後就開始落山喇~

(因為7月10日開始山頂郵局先開, 同埋先可以起山頂行一圈)

天公造美, 終於比我地見下個靚日出, 

好! 感! 動! 呀!!!!!!!!

所有人都不斷 "きれい！”　"すごい！”咁讚嘆!!!
仲竟然見到難得一見既UFO雲(Lenticular cloud) !!

落山係keep住sin住咁落, 冇行山棍既話個膝頭肯定好傷

一路落山都忍唔住係咁影....

6:30am 番到八合目トモエ館食早餐~~早餐比我想像中好呢~~雖然凍既但幾好味~~

7:10am 又集合出發~
落山係行一條極之沉悶既zigzag斜..仲要極多碎石...一路行一路驚
好彩今日天氣好過尋日好多, 唔係白濛濛一片!
好清楚咁見到山中湖!

雲海亦非常壯觀!

望住條行極都行唔完既zigzag路真係.....
仲要落斜有沙石間唔中入左鞋....光洙老公知道左就即刻起背囊度拎左對鞋套比我,
Yukari san見我唔係好識戴仲幫我著埋...突然有D感動到想喊......

9:20am 就番到番去六合目lu~~好哂好熱~

9:49am 終於番到六合目!
一樣既地方, 但同尋日白茫茫一片比真係簡直兩個世界!!

 同呢兩公婆一齊行山真係好鬼Sweet, 光洙老公又對Yukari勁好勁細心
Yukari san又係咁同我打氣奸爸爹, 同佢地行真係心情都特別好!

10:30am 終於番到五合目喇~~同kuro san講聲要離隊,
還埋頭盔同鞋套就同Yukari夫婦say goodbye喇~

買下手信之後就搭11:30am 巴士番河口湖喇~

今次住Kawaguchiko Station Inn, 因為就起河口湖站對面, 岩哂行完山既Backpacker住
佢4樓仲有個望到富士山既hot bath添
去到checkin, 我D行李原來已經寄到, 正!
第一時間沖個涼先! 有另一個日本姨姨又係岩岩行完山黎沖涼, 
不過原來佢唔係起度住, 只係沖個涼就番東京, 咁都唔錯~

之後既下午就做左樣我從來唔會起旅行做既事.....留起hostel訓教.......(堅攰呀......)

~Day 3 to be con't~

2016 富士山登山之旅 Day1

2016 富士山登山之旅 Day3-4 -河口湖篇