2016 富士山登山之旅

由細細個學日文果陣已經聽miss話

"一生人一定要上一次富士山, 但上兩次既就係傻仔"

難得今年7.1連住星期六日, 終於有機會去喇~~

但因為始終一個人上富士山有d危險, 於是我係揀左報日本當地團既~

(又係時候考驗下自己既日文...)

上網搵左幾間agent, 窮遊backpacker既我當然睇價錢行先.....

見到Willer Travel 7月1日出發既plan都只係10,800yen,

包新宿來回,山小屋, 落山之後浸溫泉(其實間間包既野都大同小異)

講真靜係book山小屋都已經7,8千yen啦, 所以呢個價簡直抵到爛!

http://travel.willer.co.jp/tour/campaign/fuji/

住既係八合トモエ館, 低御來光館少少姐~唔錯~

難得去到富士山, 我又想去埋河口湖既Herb festival睇薰衣草, 

但tour靜係比落左山之後離團, 唔比中途加入, 所以我既4日行程變左:

第一日東京一日遊, 第2, 3日上山, 第4日遊河口湖

原本諗住第一日做下偽文青去睇下展覽, 去下cafe hea下, shopping下,

點知相請不如偶遇咁起FB見到之前一齊去柬埔寨玩既台妹Jamie咁岩又自己去左東京!

於是就係咁, 我脫離左做獨撚...............一日

4點40分落機, 買完tokyo subway pass 24hr 第一件事當然係去築地醫肚

極度眼訓既狀態之下起仲家食左碗海鮮丼就番hostel放但行李先喇

今次見住得一晚, 貪方便揀左新宿区役所前カプセルホテル,

第一次住膠囊, 博大霧問下staff可唔可以比我早d checkin 訓陣先, 結果係唔得既....

放低行李之後就是但搵左間cafe 訓下先...等埋Jaime起身黎新宿搵我一齊出發~

果然約起新宿站等係一個好差既主意....折騰左一輪終於同Jaime會合到

於是第一站就係~~食‧早‧餐!!

一早就plan左去表參道既幸せのパンケーキ(幸福的Pancake?!)

10點幾去到有得填名等位, staff話要等45分鐘, (嘩星期四都咁誇張?!) 於是四圍行下先~

 呢間cafe好型!

45分鐘左右番黎就有位喇~~

 點左招牌既幸せのパンケーキ(1100yen), 好鬆軟同好香雞蛋味!

再叫左個咸既, 芝士醬同三文魚好match!!!

 臨走竟然見到門口排隊排到上地下, 成2,3十人!好彩我地早D到.....

之後就做下偽文青去左六本木睇南美攝影展!  (唔知下年係咪真係去得成呢....)

比我想像中多好多相! 真係值得一睇! (入面唔比影相架)

跟住再去自由之丘慢慢行

 跟住網上介紹一路行去小意大利之稱既 La Vita

行到攰攰地去左參拜下傳說中既蜜瓜包~成400yen一個不過好大個~

個包真係好脆, 但一個人真係會多得濟, 好彩有Jaime同我share~

之後因為要幫姨甥女買手信既關係, 同Jaime分頭行事,

我去左Grandtree武蔵小三(親子購物中心)買手信~(其實最後都係得Akachan d 野揀得落手...)

買完野番淺草同JAIME會合食飯, 佢個日本通朋友帶左我地去食串燒~~

全部野都好好食, 埋單每人港紙100蚊左右咋!  (可惜我唔記得間野叫咩名..)

之後就番膠囊酒店喇

BTW住膠囊冇得起自己位執野真係麻煩過住hostel好多....以後都唔會再住膠囊...

一早就訓lu~養足精神聽日上山!

~End of Day1~

2016 富士山登山之旅 Day2-3 -登山篇

2016 富士山登山之旅 Day3-4 -河口湖篇