Day 6: 角館, 抱返り渓谷, 田沢湖

Day 6: 23/10(Sun) 寒風山Paragliding, 角館, 抱返り渓谷, 田沢湖

>>寒風山Paragliding<<

話說今次已經係我第三次book paragliding, 可惜之前兩次都因病/天氣而玩唔到,

見天氣報告寫住今日晴天,  應該玩到喇掛~~

一大朝早懷住依依不捨既心情離開Peter屋企,  行李放秋田站locker, 去坐往脇本(最近寒風山既站)既列車, 點知.....

就起我check email果陣發現Paragliding School尋日send左email比我通知話今日有強風, 冇咩機會可以玩到............即刻灰到世界盡頭.....

但抱住搏一搏既精神都係照去寒風山....

男鹿線列車

仲要獻出我起日本搭的士既第一次...

搭左10分鐘左右就盛惠1800yen....

一落車果刻WOW天氣好到不得了!! 風景都好靚!! 如果今日可以起度玩到你話係幾咁完美....

8:45am就到左, Paragliding School未開, 今朝又唔記得買早餐,  起食堂食個早餐先~

食完去Paragliding School問一問, 果然係要Cancel...唉, 第3次玩唔成喇!!! 激死!!

因為的士實在太貴....於是行落山果陣再截順風車haha

今次截到既係一對由仙台黎旅遊既公公婆婆~睇落都成七八十歲, 利害!!

男鹿線好多站都係咁簡單

跟住就番秋田食lunch拎番行李喇~

本身諗住去食佐藤養助烏冬, 但行緊過去西武途中見到有個咁既祭

後來問番Peter話原來呢度成日都有呢D祭

於是就直接起度食喇~2000yen買張coupon可以試勻16檔攤位既野食~~

有米沢牛,  河豚等等~~

食到第12檔我已經好飽.....

1點左右到角館,  放低行李去今晚酒店>>田町武家屋敷ホテル<<~

如果唔係遲左book冇咩房剩真係唔會揀呢間...2人房14500yen素泊....

雖然間房係幾四正, 但我唔需要咁5星級....

之後就去武家屋敷群參觀~

屋入面咩都冇其實都冇咩睇。。

遇到2個著和服既o架妹~

比較大而多d介紹同唯一收入場費既武家屋敷-青柳家

2點半係最後一班免費巴士去抱返り渓谷

>>Free Shuttle Bus Schedule<<

成架巴士竟然只有我一個人包車....司機見我上車都覺得奇怪, 因為我行完抱返り渓谷之後係冇巴士番角館, 但我本住截唔到順風車咪至多行番神代駅(3km...)既心態, 一於少理

15分鐘左右就到喇~襯個天未暗之前拿拿臨行去回顧之滝先~

>>抱返り渓谷散策地圖<<

回顧之滝

明明條路好多石仔, 都唔明點解D日本人仲可以著住高跟鞋、 婆仔鞋、全套老西黎行....

路上遇到一家台灣人, 拜託過爸爸幫我影下相咁, 臨走咁岩又見到佢地岩岩走...
一睇就知佢地係自駕, 於是邪念又起, 問下佢地之後去邊睇下可唔可以搭順風車先~

而家都4:15pm, 爸爸竟然話仲想去田沢湖(佢地今晚住盛岡),
哈哈都好~順便又可以去埋田沢湖, 聽日就唔洗特登去喇~~


HAHA黎得田沢湖, 就好似一定要去辰子像打卡咁~~

媽媽話我上左車之後班細路怕醜到靜哂HAHAHA

之後佢地送我番田沢湖駅, 我再搭JR番角館~  呢日實在未免太~~~充實喇!!

番到角館先6點幾, 雖然紅葉得好少但都諗住去影夜楓, 點知成條街靜英英好恐怖......

角館夜晚餐廳好多好早就收左, 上網睇好似好多人係去土間人食,
但我就揀左間家庭式既餐廳, 起7-11去郵局條路中間, 門口寫住開到凌晨2點(咁堅?)
睇下個menu, 咩話?!國產A5和牛定食950yen?!  諗都唔洗諗, 就叫呢個!!

 哇~~果然食落真係A5和牛既水準! 好好味呀!!
老闆娘煮完拎出黎仲同我吹左陣水, 又話送杯咖啡比我(話說點解日本人夜晚都咁中意飲咖啡?)
最中意呢種咁有人情味既感覺!!

今晚酒店係有包附近溫泉既~要問reception拎張入浴券, 行去角館温泉5分鐘左右~
個溫泉冇咩特別...浸一陣就番酒店訓lu~~

是日宵夜

~End of Day6~

>>Day 7: 盛岡城跡公園, 宮沢賢治童話村<<