Day 4 慶州

Day4: 慶州 - 佛國寺 => 南源餐廳 =>普門湖 => 雁鴨池 => 元祖奶奶湯飯

早餐係釜山站斜對面既紫菜包飯天國~

買完拎上KTX食~坐去新慶州站~

再轉61號巴士去高速巴士站起民宿放低行李~

 跟住就去佛國寺啦~

 跟住去左佛國寺門口對面既南源食堂~

3個人食, 叫左個韓牛(Bulgogi)2人份w24000, 石頭飯(bibimbap)w15000,

每台仲有海鮮煎餅送添~

好中意呀珠媽一身咁爆既造型!

送既都咁大碟!

等左好耐先有野食....

不過得2個呀珠媽起度, 見到佢地忙到癲...

一路煎野一路啪類似力保健既野,..睇見都陰公

隔離果幾間拍哂烏蠅, 南源就full哂....

跟住坐700號去普門亭~보문단지站落車

隔離有好大撻空地比人踩單車, 玩遙控車~

呢對小情侶好正呀! 

再行前D就見到左手邊既普門湖~ 

坐番11號巴士番慶州市~

按例要拍一下既牛奶樽~(瞻星台)

 雁鴨池對面未著燈已經堆滿哂人...好誇張...

 慶州既夜晚特別凍! 番去中央市場附近落車, 搵到間食豬肉湯飯~

全部都係韓國人~D湯好好味~

~第三天完~

Day 3 鎮海

Day3: 鎮海 - 余佐川浪漫橋 => 慶和站 => 長福山雕刻公園 => 釜山 - 詹姆士芝士脊排 => 雪冰

九點到沙上坐巴士去鎮海~

又見到我最愛既李敏鎬~

到左鎮海開始好天!

沿路好多小食攤檔~

一黎到余佐川見到好多軍人~

行到去內水面公園, 點知冇咩櫻花...

行番去鎮海站坐307去慶和站~

(巴士站起鎮海站過馬路轉左行3分鐘)

中途醫下肚先~呢個鯛魚燒W500咋, 超抵食!

2點幾到慶和站~

入到黎岩岩見到有架火車走左...

影左15分鐘左右又有一架火車黎喇~

慶和站實在太多人.....火車一走我地就決定去長福山公園

慶和站門口坐164號巴士10分鐘左右就到~

落左車轉右行一陣~

開始落毛毛雨, 我地就決定番釜山喇~

(好後悔冇留低睇夜櫻...)

車站排哂長龍....排左半個鐘左右就上到車~

塞左好耐車之後搭番去西面站去食詹姆士芝士脊排~

唔洗等位~個Manager英文ok既~

配菜有泡菜, 雜果, 粟米, 蕃茄通粉同sour cream(?)

d芝士唔係靜係得芝士, d味好正!

排骨甜甜地辣辣地~好味!

再加左w20000加多個炒飯, 都係好好味~ 飽到炒飯都食唔哂...

3個人食, 除開每人都係港紙四十幾蚊, 超抵食!!

 飽到癲去西面地下街行下先~

唔知點解韓國好興賣d好似底衫既衫....

 之後再去食雪冰~西面站9號出口一出就見到~

好味~完全唔覺得係食緊冰~啖啖都有味~

~第三天完~