2016年10月27日 星期四

Day 10: 日光 霧降ノ滝, 明智平ropeway, 半月山

Day 10: 27/10(Thurs)日光 霧降ノ滝, 明智平ropeway, 半月山

因為尋日唔夠時間去明智平纜車, 所以今日去番~
但因為纜車9點先開, 見朝早仲有時間就決定去埋霧降の滝喇~
點知起巴士站撞到尋晚同一間hostel既台灣人呀哲~
原來佢諗法同我一樣, 路線又係霧降の滝=>明智平, 真係好, 又有個伴喇~~~
十分鐘巴士落左車要再行十分鐘先會見到瀑布~
 雖然冇得同華嚴の滝比, 但有少少紅葉襯托下都算係咁啦

 瀑布另一邊

 8點半又搭番去東武日光站轉巴士去明智平喇~9點2去到已經排哂長龍!!好誇張!!




 排左半個鐘終於上到纜車喇~一望出去最深刻既印象係.......
非常full既停車場....


 Wow~~~一眼望哂華嚴の滝, 中禪寺湖, 男體山~~
 另一邊~
 靚到好似畫咁~~


 中禪寺湖D水藍得好唔真實
 搭番落去lu~~(行落去中禪寺湖要成三個鐘架咪玩...)
 呀哲話之後想去半月山,  而本身不知半月山為何物既我見咁早番東京都冇咩做, 
於是一於死跟XD
陪呀哲又去睇多次華厳の滝, 不過佢唔夠時間落埋去搭lift lu~


 搭巴士上半月山喇~~記住係起終點站落車, 中途起中禪寺湖展望台會有站落客, 千祈唔好咁快就忍唔住落車呀~~
今朝搭明智平纜車果陣見到張個紅葉山谷景靚到dum一聲既poster,上面寫住
"ここはオーストリア、     ではありません"
(唔好估錯呢度並唔係奧地利)
半月山一落巴士就發現原來poster入面個靚景就係呢度!!!
不過當然poster入面D紅葉紅好多...

上展望台要上一段山路, 20分鐘左右~

大自然真係好神奇, 右手邊既白楊樹仲有好靚既黃葉, 但比風吹住既一面變哂枯枝
中間條界sharp到有如分開紅海一樣
上到展望台喇~~

點望都望唔到富士山wor....

點解呢度生得咁得意架呢HAHA
靚到成幅畫咁既黃葉




落番山睇番條界真係好壯觀

番到中禪寺湖就要同呀哲道別喇~~
東武日光站對出既日光名物~炸紅豆饅頭~~
食落先知原本加左鹽, 又咸又甜咁好得意!

番東京LU~
難得經過宇都宮當然要食最出名既餃子啦~~
一行出宇都宮站已經見到好大幢健太餃子


850yen有齊12種口味~~幾抵食!
不過就要自己估番食緊果隻係咩味囉....haha

2016年10月26日 星期三

Day 9: 日光 戦場ガ原, 中禅寺湖, 東照宮

Day 9: 26/10(Wed)  日光 戦場ガ原, 中禅寺湖遊覽船, 華厳の滝, 東照宮, 逍遙園夜楓

因為要搭6:12分既頭班車, 未夠6點已經出門口去日光駅買pass, 睇到我呢個trip第一個日出.....

 
點解去日光駅買pass? 正常想玩盡日光就應該買由東武出既>>全日光pass<<
但因為我張東北pass已經足夠我搭埋番東京, 重點係我到日光果陣東武日光駅counter已經收左...朝早又9點先開...而JR日光駅counter開6點, 時間岩岩好
 所以唯有買日本人都買到既>>區間FREE PASS<<
離題講句...JR日光駅counter個staff好靚仔......
本身諗住JR日光站會有便利店買個早餐...點知附近一帶都冇....
好彩日本D汽水機有粟米湯賣姐... 

同小菱起東武巴士站會合~不過佢係一直搭到去湯元溫馨, 而我就搭去赤沼行戰場之原

巴士準備上明智平~
 成個いろは坂都金黃色!


 終於到左赤沼站~行番轉頭少少就係戦場ガ原 既入口喇~

橙紅色既就係我今日行既路線~總共8km......
由A點到E點景色都好靚, 而E點番番去A點條路D景色就同之前既差唔多
其實起E點有巴士番去龍頭瀑布, 不過因為我果張pass唔包既關係.....

首先去戰場之原入口(A點)對面既赤沼自然情報中心睇下有冇野食買先....
.........................靜係得D面包....
買埋個熊鈴同地圖(50yen) 就正式上路喇~~
(其實一路上附近都有人,得我一個有戴熊鈴。。) 
仲以為d 葉已經落哂,點知仲有好多紅葉!

入口見到呢個牌就包冇行錯~




(B點) 要過橋,如果唔係就直接去左小田原代先架喇

l



木棧道既中間可以遠眺日本百名山之一既男體山~












很喜歡這種滄涼感~
再走前d有個更廣闊既展望台









身旁一對公公婆婆都係去緊小田代原,話果邊景色好靚千其唔好起度就番轉頭~
由C點開始d銀杏就密好多~





唔知係咪起D點轉左行就咪就係呢排銀杏入面呢...係既話應該都幾靚


小田代原既呢條木棧道(E點)好開揚~可以睇哂成個原野~

之後就趕番去赤沼搭10:38巴士喇~~
本來plan左起龍頭瀑布落, 但因為太攰既關係唔想之後由龍頭瀑布行去中禪寺湖所以skip左..
之後坐坐下見到附近紅葉好靚, 又見到下個站叫菖蒲遊覽船,
一於去搭船遊湖先~下一架係11:50, 仲有成個鐘, 咁岩呢度又有野食, 即刻醫肚先!




仲比我搵到呢個咁靚既位食! 靜係食景都飽一半呀!!
亦都起呢個時間小菱黎到會合我一齊去遊船河~~~YEAH!

上船喇!


時間真係揀得岩岩好HAHA(又忍唔住讚自己), 正值紅葉見頃~~

好似個心形~~








比呢個景吸引住唔小心早左個站起立木觀音站就落左船....

於是我地就一路行去下一站華厳の滝











我地2個都好match呀hahaha
  未搭lift落瀑布下面就已經見到瀑布架喇~ 不過最震撼既角度都係要落去睇~

搭100m高既電梯落瀑布底!
經過一條白色隧道一出去就即刻feel到瀑布濺出黎既水花!! 好震撼!!


睇完就上番上上面食栗子食雪糕~~~


原本仲諗住可以去埋明智平纜車, 點知中禪寺湖個巴士站排哂長龍...等左差唔多半個鐘先上到巴士....
話說起東北都冇咩見到外國遊客, 一黎到日光已經好明顯feel到有好多外國遊客起度...

趕唔切去明智平纜車(4點就收), 小菱唯有好無奈咁番hostel, 因為佢今日要番東京lu~
而我就去東照宮~
日光其中好出名既, 係列名 UNESCO 世界遺產的二社一寺, 即係東照宮、二荒山神社、輪王寺
而輪王寺的三佛堂,因為平成大整修的關係,目前是處於被大鐵皮屋包圍的狀態
上到最高果層好以睇到逍遙園全貌~今晚就係去呢度睇紅葉light up喇~




再黎到東照宮~~






去親神社最中意影既火野麗~






逍遙園light up 5 點開始, 行到落黎岩岩好!
可惜紅葉得幾棵。。







影完就番東武車站附近食喇~
由於今日體力大清耗所以決定要食多d野! 日光好多餐廳都好早收,揀左好耐都係決定食連鎖店漁民,hostel行5分鐘就到

個7色刺身唔錯,但個干貝燒真係咸到癲!仲有個拉面冇影到