Day3 蔦沼, 酸ヶ湯温泉, 城ヶ倉大橋, 青森市

Day3 20/10(Thurs) 蔦沼, 酸ヶ湯温泉,  城ヶ倉大橋, ねぶたの家　ワ・ラッセ, A-Factory, 青森縣觀光物產館ASPAM

起hostel食完早餐就去搭7:10am巴士去蔦沼~

巴士司機問我有冇pass, 之後仲教我去部自動售票機度買巴士pass~

(日本搭巴士真心貴T___T)

 8:10am到蔦温泉, 天氣非常好! 但天氣預報一陣會落雨...

 行去蔦沼大概10分鐘就到~

 金黃色既蔦沼！可惜風有D大, 睇唔到倒影...

 因為知一陣落雨所以冇再行入D...原路行番轉頭...

見到班日本行山團冒住雨去蔦沼, 好colourful~

 9點半既巴士等到10點先到...過左蔦溫泉之後條路靚到不得了! 可惜落雨...

600yen可以入千人混浴或者玉之湯(男女分開)

黎酸ヶ湯温泉既人大概應該都會見過呢張咁震撼既千人混浴相

 黎得呢度當然要見識下千人混浴!

 門口有教應該點浸~但其實所有女仔都係起哂右邊冷湯隔離果邊浸， 因為得果度有屏風遮住

在場除左一班日本大媽之外就静係得另外一個後生台妹，臨走起上面望落個有3,4十個男人坐到好逼咁既場面好似桑拿浴咁好搞笑~

 D拖鞋洗唔洗放到咁整齊...

 酸ヶ湯温泉附近既紅葉都好靚~~

好天既話d 紅葉真係仲靚過奥入瀨！

食堂排長龍，唯有食住佢醫肚先。。

放晴的一瞬間

因為太大風八甲田纜車停運關係。。。轉移決定去城ヶ倉大橋，但因為最近既巴士站都係城ヶ倉ホテル，要行2公里先到大橋。。。

成架full 哂既巴士得我一個起度落車，成車人緊係以為我係傻既

但我真係想講，呢度紅葉好靚呀！！！

一落車已經係一個火紅色既世界

城ヶ倉ホテル既路牌，好有古堡路牌既feel

條路靚到我忍唔住係咁影相。。

再次捕捉到放晴的瞬間

幾經辛苦冒住雨行左半個鐘

遠處見到好多私家車停左起路邊就知一定係差唔多到喇！

嘩嘩嘩，岩岩紅葉見頃靚到不得了！可惜陰天加超級大風。。

突然有4個自駕既日本女仔衝過黎叫我幫佢地影相

拎住單反同腳架大概就會比人覺得影相好pro吧

仲比佢地讚おしゃれ添hahaha

為左唔想行多半個鐘番城ヶ倉ホテル，膽粗粗問o架妹問佢地之後去邊，原來係去十和田湖，正！順路！

於是就好唔知醜咁叫佢車我番城ヶ倉ホテル~

就係咁，5分鐘就已經番到去，距離巴士時間2:56分仲有成個鐘。。。 影相自拍無極限再好唔知醜咁入埋酒店叉電去廁所等等。。。

等巴士果陣遇到對香港夫婦，佢地特登由青森入黎城ヶ倉呢頭行，可見呢度真係幾咁靚！

我同自己講第時一定要再自駕黎呢度！

無緣既八甲田山, 山腹一片紅呢

4點20分左右番到青森，第一件事checkin 放低行李

今晚住既 >>ホテルニュームラコシ<<非常方便！

青森站出黎行3分鐘即到！

就起ねぶたの家　ワ・ラッセ對面！

仲要twins room 都只係2300yen! ! 抵!!

青森版青馬大橋~


ねぶたの家　ワ・ラッセ
裡面放左好多睡魔祭既花車, 可以睇到花車既製作, 睡魔祭既由來等等~~

我的心願呢......

連水花都做得好detail

邊有人推得個樣咁輕鬆架....

 同小丸子mask同出一轍既睡魔mask

之後就去A-Factory買手信喇~~
手信排行第一位!!! 775yen 5個蘋果條

 呢個蘋果批都好似好吸引....

 買好手信可以即刻幫你pack好再幫你宅急便埋, 一條龍服務!
呢箱寄番東京都係7百幾yen~~8日後見喇

太肚餓, 食個蘋果啫喱+蘋果批先~
 蘋果批好似冇咩特別...

 最後再去埋ASPAM~點解打燈要打得咁恐怖呢...

 青森Bay Area共通券包左ねぶたの家　ワ・ラッセ, ASPAM展望台, 八甲田號遊船~
但就算我冇船都係抵既~因為ねぶたの家+ASPAM展望台既飛加埋都要1400yen
>>ASPAM Floor Plan<<

 一入ASPAM即刻衝上13樓展望台~~其實都係得呢邊比較值得影...

 ASPAM地下都係賣下手信, 冇咩野睇...

 之後就番青森站附近既AUGA商場搵食喇~~
夜晚既青森真係靜得好恐怖! 可以成條街都冇人行!!

 落左地庫果層~7色刺身飯~~

~ End of Day3~

>>Day 4: 古川市場, 弘前城, 弘前りんご公園, 黄金崎不老ふ死温泉<<