4點正到達娘水既巴士站, 同tuk tuk司機大戰完結果都要2000送我去Song of Travel Hostel
上網睇Hostel係每日都會有boat tour遊茵萊湖, 所以一心諗住同hostel book就得,
點知hostel話今日得1個人報左, 唔成團(最少4個) T___T
結果我就用左15000包左一隻船...
(正常一隻船可以坐6個人)
(後尾發現冇人報既原因係大家都識睇天氣報告.....)
朝早既娘水都幾凍下，難得只係著住件短袖衫既超好人hostel 職員車我去碼頭，見佢都吹到騰騰震，陰公
一直落住毛毛雨， 好彩隻船有毛毯同雨衣
呢d竹竿係用黎種蕃茄既，真係想像唔到佢地點靠呢度d 蕃茄過活。。
村民直接用湖水梳洗
之後船夫帶左我去銀器工場
有好多銀首飾，其實有d 都幾平(雖然我都冇買到。。)
食個早餐先~起東南亞最中意食香蕉pancake 做早餐~
之後就到boat trip 既主角~水上市場
一落船條長廊係賣遊客野，後面就係market
一落船條長廊係賣遊客野，後面就係market
一入market 就落狗屎。。地下好多度都水浸。。
P'ao 包頭族， 住起茵萊湖既一d村落
好似係檳榔既物體
Market 入面， 飛髮舖，CD舖，家品咩都有，基本上已經可以滿足到所有生活需求
之後去一間用蓮花做紗既工場，講解員話係呢度既蓮花先做到紗線
好難得見到個一路做一路笑得咁真心既女仔
Alodaw Pauk Pagoda
Phaung Daw Oo Pagoda
真正既漁夫係唔會著得咁靚同好少用竹網...
船夫屋企應該做埋蕃茄同青檸生意...
餐廳老闆娘好好心又借電話比我打又介紹話其實去茵汀村景色都差唔多, 又近好多,
起茵萊湖既西南面
只係如果係起boat trip中途去會順路好多, 可惜我已經去左....
趁停雨諗住番Hostel借單車周圍兜下
真係好中意呢間hostel既外型, 尤其起娘水鎮呢個地方竟然有間咁新潮既建築物
條路凹凸不平...仲要有段奪命斜...雖然兩邊既田園景都唔錯, 但真係一路踩一路XY^%$FUXK
出發中途起娘水鎮經過travel agent就book左聽日去茵汀村既的士...
25000K真係好貴但唔去又諗唔到做咩好...如果我早少少知道會去茵汀村既話就去Boat trip果陣去埋啦...
可惜烏雲密佈....
相反隔離個鬼妹見到好似好興奮咁走入去試, 但聽佢講D水太熱...
再踩多5分鐘左右就見到有個"Boat Stand"既路牌, 轉入左手邊就見到有船夫問你係咪過湖對面
一開始獅子開大口10000K, 講講下價我用拖字訣, 同貓仔玩下先, 佢終於等唔到, 最後6500K
我上船走果陣貓仔竟然唔捨得我跳埋上我隻船上面HAHA!!
折騰左一輪船夫終於趕番佢上岸
Hostel話覺得媲美Mandalay既烏本橋...好似..又有D誇張..不過可能只係天氣唔好...掛
最後直接踩番hostel算...
個人覺得間房比起浦甘既Ostello Bello好, 中意有簾有番D私隱
因為落大雨, 又岩岩沖完涼, 所以直接留起hostel食就算
點知老闆娘Fiona突然話邀請我同Ian(台灣人)同埋2位台妹Staff上天台食飯,
(已經係今晚Hostel既所有亞洲人..), 當然求之不得啦!!
Fiona仲專登拎左佢自己醃製既前菜出黎招呼我地添~~
佢又介紹Mandalay有幾多好野食..話我好可惜唔夠時間去...
又分享左好多關於Hostel既故事, 真係大開眼界XD
7點半就出發去茵汀村~好彩今日天氣唔錯~
司機去到茵汀村既market停低比我影相, 佢話茵汀村係5-days market 其中一個,
又咁岩今日輪到茵汀村, 有冇咁好彩
茵汀村網上介紹:
茵汀村是茵萊湖區最重要的宗教區, 這些佛塔象星辰般散落在這片山坡上，越往山上走，佛塔越多，到寺廟中心區，多了很多新塔，新舊佛塔密密麻麻地矗立在半山腰，據說佛塔曾多達3500座，現存1054個，非常壯觀。
正門係有一條1000米既長廊行上山, 但司機就直接車左我去側門
一落車已經見到無數個Stupa
我有少少密集恐懼症。。。
加多少少錢比司機，去左Shwe Yan Pyay
果然冇介紹錯， 老闆服務超周到，又係咁問岩唔岩食， 話唔岩幫我換左佢，緬式撈面同碟魚都好好食，奶茶都正過好多香港茶餐廳！
於是求其搵左間agent, 行3個鐘左右，10000K
好似有幾貴但我懶講價。。
我問佢著涼鞋有冇問題， 佢笑一笑，"其實我就係trekking guide, 我都係著人字拖。。。"
Hahahaha!
約左佢2點起我hostel等，之後我再起娘水鎮四圍行下~
見到個好大既monastery, 唔知係咪叫Hlaing Gu Kyaung
開頭果40 min 平路真係好悶， 但冇計， 政府規定電單車唔可以載人， 的士又太貴
途中經過既芒果林
Min 問我如果學多種語言學咩語言好, 我話佢英文都講得咁好就學中文啦~~
佢好現實咁同我講..大陸人唔中意行山架.....極少大陸客...
之後Min帶左我去一間學校, 分開小學同中學兩邊,
幼稚園果邊老師讀一句學生讀一句讀得好得意!
天氣超級好~~~我的Trekking Guide Min~~
5點準時番到hostel~沖個涼就去搭巴士番仰光喇~~
今次又係搭JJ express, 可以送到去仰光市區, 太好喇~~
車上座位竟然仲有好似飛機咁既娛樂設施, 但D歌就....
同埋番仰光係先經過Kalaw..所以條路係辛苦到根本你睇唔到戲......
6點幾落左車又番去Lil Yangon Hostel放低行李同沖涼,
唔知個Staff係咪未訓醒以為我係住起度竟然話寄luggage唔洗錢XD 超好彩
搞掂就去食個早餐先
緬甸簡直係鴿子城
唔洗自己親自去化緣, 同乞衣有咩分別...
隔離位果個推介我食呢個....咁似糉既...
食緊果陣好多小僧人黎化緣, 如果唔想比既話做個阿彌陀佛既手勢就得
食完又周圍遊盪..
每家每戶都要裝個鑊蓋, 好得意HAHA
遊客都係為昂山素姬慕名而來
望住一對英國情侶個feel romantic到以為自己去左歐州
