MiuMiu遊世界: 2016緬甸之旅 Day2-3 蒲甘

5am落左車之後唔洗問又有一堆的士司機圍住你, 一開價20000K,

最後搵多4個香港女仔share taxi一架15000K, 每人3000K

又咁岩個個都住New Bagan

車上發生左件又驚嚇又好笑既事

話說條路唔平, 架車突然chok左一下之後有D野跌左落我隻腳度,

我心諗係咪隔離位跌左野, 起又黑又窄既環境下睇唔到係咩黎之下,

我執起左我腳上果舊野拎上黎問"係咪你跌左野呀?"

X你蝙蝠黎既?! 嚇到全車尖叫!!

最後由司機丟左佢出去....

20分鐘車程左右到左Ostello Bello Hostel, 意大利人老板第一時間叫我嘆杯免費咖啡relax下先

我就第一時間問佢可唔可以比我checkin左訓陣教先

原來要2PM先可以checkin..

心諗橫掂冇野做, 即刻出去睇個日出先

5:45am, 老板話10min e-bike就去到Old bagan, 心諗仲趕得切日出

上網睇話e-bike5000-6000K, 又話咩愈貴愈多電,

點知hostel租比我只係3000K全日, 仲要我夜晚還車果陣D電都仲係滿格

5:55am去到old bagan條主公路, 都唔知去邊睇日出, 有個"路過"既當地人見我一個遊客搵緊路,

就即刻叫我跟住佢, 帶我去左個好似起Shwesandaw附近的塔, 可以行樓梯上去既

時間剛剛好, 只可惜差左熱氣球, 一般十月中左右先開始

睇完日出, 佢又帶我上左另一個冇人既塔度影相,

蒲甘原本大約有4千座佛塔, 41年前地震有4百幾座倒塌, 而1個月之前既地震就有2百幾座倒塌

不過而家好似都已經清理哂, 見唔到有倒塌既痕跡

世上點會有免費午餐, 好熱情咁幫我影完相之後就拎佢D畫出黎暗示叫我買...

畫我就冇買喇, 不過當佢tour guide咁叫佢帶我去多D唔多人知既地方,比番D tips佢啦

蒲甘最大的寺廟, Dhammayangyi Pahto

遠睇成個金字塔咁, 係因為塔未完成國王就被刺殺，

此後建設就告中止，所以至今塔頂仍未修復

因為入面好似封左, 所以出面影完相就走喇~

又去左個不知名佛塔

之後去被認為蒲甘最美既佛塔Ananda Pahto

內部裝飾的確好仔細

Tour guide 起Ananda出面食住野等我, 我都順便一齊食個早餐先

唔知係咪地震完要修復既關係所以要包住塔頂呢, 外觀有D影響

Thatbyinnyu Pahto, 蒲甘最高的佛塔，但不准登樓

Tour guide仲係咁教我擺pose影相, 我輸了.......

11點左右我終於放左佢走haha...

因為晏晝太熱番hostel沖個涼抖抖先...

Manuha Paya, 去old bagan必定會經過, 仲會聽到僧人由朝到晚都起度唸經

入面有個好大既卧佛

岩岩遇到一班學生上"校巴", 全緬甸既校服都係一樣係白恤衫+綠色龍基

誦經堂隔離有個賣畫既地方, 我一行埋去就有人話幫我免費紋個身(水洗顏料)

沖完涼就去左最就近既7 sisters restaurant, 幾好食，份量仲好大！

Lunch 前起hostel 本travel guide 見到去lily's spa 有discount,
10000一個鐘緬式按摩，衛生尚可，力度唔錯，中途都訓著左haha

終於等到2pm checkin, 訓到4點又準備出去兜一陣再睇日落

去old bagan 既路上有度好多羊

四圍去下d 不知名佛塔

呢個有d 似城堡~

無啦啦又有個女仔走黎話收集世界各地既貨幣，問我有冇港紙。。。

其中一個我覺得最靚既佛塔
Gawdaw Palin

因機緣巧合之下起whatsapp 識左個香港團
提議相約去Pyathadar Hpaya 睇日落
由ananda 對面條路一直揸入去，呢段路係石仔路，好難揸。。。

差唔多到果陣仲見到趕緊牛羊添~一唔跟住佢地行就見到
Pyathadar Hpaya喇~

遠遠見到咁多人唔洗問呀季都估到係呢度。。

可惜今日好多雲....同呢度好多強國人...

睇唔到咸蛋黃, 好彩有晚霞搭救

突然身後一班強國大媽揚起七彩圍巾...成為景點.....
仲成功吸引鬼妹加入lol

離開既時候某位香港團友就係起度比人著走左自己對拖鞋...

之後就起程番new bagan食飯喇~途中遇到個鬼佬架e-bike冇哂電
某香港團友就比佢一手扶住佢架e-bike, 一手平行鬼佬自己架e-bike..
個畫面真係溫馨到想唱番句~
"情同兩手一起開心一起悲傷彼此分擔總不分我或你
你為了我我為了你
共赴患難絕望裡緊握你手朋友"
晚餐去左香港團大讚既Silverhouse restaurant食, 特別推介菠蘿鴨!
野食好食不特止, 老板仲好好人!
本身佢炒送果陣係上身冇著衫, 我地話要同佢影相果陣佢即刻換番件衫出黎XD

之後仲fd到帶我地參觀佢間房添!

話說想半夜起身去影星空，又怕自己一個危險，
結果4點幾先起到身。。
出到黎見到成天星星先黎後悔點解咁遲先出黎。。。
話咁快又天光喇，唉

最高既thatbyinnyu

5點半左右就會熄燈，之後去hostel 介紹既地方睇日出

憑住呢個咁含糊既指示加上直覺，唔知點解好順利咁黎到，

一上去仲撞到尋日香港團既一對情侣，仲撞到尋朝既tour guide 添！

蒲甘好似好大，但竟然睇日出既選擇少到可以咁易就撞到人haha

太多雲既關係，睇唔到個太陽。。
好彩尋朝有趕去睇姐。。

睇完日出又四圍兜下
Alodawpyi Pagoda

Bulethi
可以爬上去，好多人起上面睇完日出落黎
但上到去先發現好斜架！
有個香港男人一直要扶住中間條圓柱先行到XD

Htilominlo

Khaymingha

Bu Paya, 就起碼頭隔離
呢個有d 似大金石

有個妹妹主動話要同我影相haha

之後就番hostel 食早餐同執行李，因為11點前要checkout
見到hostel 個免費tour準備出發，我因為好多地方都去左所以冇參加到喇，個tour都有成廿個人，有tour guide 講解

食完早餐訓唔著又出去兜多陣
經過manuha temple 發現尋日仲未去睇個卧佛

起卧佛左右睇，一邊係笑，一邊係唔笑既

其實緬甸女仔都幾靚架~

去old bagam 方向行多5min 右手邊有長頸族女人織緊布，佢地應該係特登出黎表演賺錢。。。

Shwezigon Pagoda, 蒲甘王國裡最古老的佛寺, 靠近娘烏

(唔好問我點解唔係去Bulethi之後順便去埋...行程完全隨心)

入口有一條長廊

又一個頂上功夫了得的緬甸女人

網上見到塔頂都係金色, 今而家應該係維修緊...

樓梯封左唔上得去...

呢個廟係印度式, 日本團tour guide示範緊印度佛教既傳統拜法,
拜果陣手肘係一直唔可以離開膝頭

信徒真係識得搵SIP錢既位置...

走廊既souvenir shop好恐怖, 我入去果陣經過比個女人sell, 出番黎果黎佢竟然收埋左我對鞋起佢間舖度...好彩我冇買到野最後都攞得番對鞋...

右下係比細路玩既人偶..我都係覺得好恐怖....

岩岩出Shwezigon既時候就發現hostel free tour既車隊, 好自然就join埋佢地喇~

tour guide帶我地去參觀小僧人住既地方~

tour guide話小僧人會成班起度睇波, 但其實個個起度訓緊教,
陰公..佢地靜係訓起d咁硬既木地板....

佢地既化緣兜就放哂起度喇~僧人一般只食早午兩餐, 年紀比較細既就要食埋晚餐

之後tour guide lunch比2個選擇我地, 一間西式D, 一間local D, 成團人都揀左local D果間!
超重口味既湯, 但蔗汁超好飲, 只係500K!
有一個日本男仔原本坐左起度但唔識點菜, 好彩tour guide幫佢手點埋~
真係好少見日本人都會自己一個去旅行..

炸雞配白飯

之後tour既行程得番去city wall行, 其實就係起北面既一道城牆,
因為太熱同埋已經睇過, 所以番左hostel沖涼同去多次lily度按腳haha

起tour入面識左個香港人話尋日有當地人帶左佢地去左個神秘地方睇日落,
今晚會再去, 所以一行3人5點鐘又從hostel出發喇~

位置大約起入bulethi條路既前一個路口, 果家人就住起果度
最細既仔仔好得意!