黎得青森朝早當然要古川市場入面既青森魚菜センター啦~
其實呢度係食刺身丼既， 有咩咁特別？
就係你可以買一張食事券，1080 yen有10小張coupon,
首先去攞碗飯, 再去唔同海鮮舖任揀刺身，整成你自己配搭既刺身飯~
一般三文魚果d 1小張coupon就換到， 帆立貝大d 既就要2張~
登登登櫈！呢個就係我既傑作喇！都叫有d睇頭掛。。
7點黎到食，見好多日本上班族都過黎食個早餐先架(平時早餐都咁豐富...非常葡萄...)
天朗氣清! 準備搭第一班白神號出發去弘前！
影埋對面青之森鐵道列車~
8:45am 蘋果城到着~
其實可以搭巴士, 但我中意自由自在周圍睇下多D, 所以起>>弘前市観光案内所<<(JR弘前駅1階)租單車~但又為左聽日仲要行成日十二湖既關係, 為左對腳仔著想, 我租左電動型單車~踩果陣輕鬆好多~上斜冇難度!!
普通單車500yen/次, 電動單車1000yen/次
出發去弘前城~
經過青森銀行紀念館
旧弘前市立図書館
隔離有好多mini版青森市建築物~
再行前D就係弘前城~
今晚開始夜晚會有light up, 可惜紅葉未紅, 加上今晚我都已經走左..
岩岩今日開始有菊花紅葉祭!
蘋果市點都要有D蘋果原素~~
植物園果邊有開幕式~
D小朋友好可愛呀! 點解香港D開幕式成鬼日都係舞龍舞獅打鼓....
右手邊呢位我比最佳表情獎
好少見小學生戴呢類帽!
Gundam都可以crossover菊花, 勁!
弘前城吉祥物~~
我都忍唔住同D小朋友爭埋黎影一份....(其實我都係半個細路)
小朋友仲有得坐小火車添~真開心
連金魚展都有
雖然聽日我都去白神山地, 睇下個生態園先~
唔知我影唔影到呢...
離開植物園, 正式向天守閣出發~好彩有電動單車...本丸都幾大下
到達天守閣~可以入去參觀同上到3樓~
起3樓望落黎~
行到差唔多, 11點幾出發去蘋果公園! >>弘前りんご公園<<
未去到, 起路邊已經見到有好多蘋果! 起大陸根本係冇可能...
踩左25分鐘左右終於到喇~門口寫住摘1kg 320yen~~
摘蘋果session每20分鐘一次~只要去左邊既りんごの家報名就得~
但踩完單車攰攰地...食左lunch叉電先...
叫左個咖哩蘋果豬排飯~
D蘋果係起D咖哩入面架! 第一次食又甜又爽既豬排~~
張poster好正~haha
食飽就報名去摘蘋果喇~~
同我同一個session既有一家泰國人同一對日本夫婦
真佩服日本人的文化, 去行山, 摘蘋果也穿得像拍婚照一樣正式....
我地今日可以摘既品種叫"清明"XD
職員話呢隻種反而係愈黃愈好食! 我摘左陣都係偷偷走左去隔離"紅玉"蘋果果邊影相haha
紅玉色澤紅潤得多~
職員話我地可以摘蘋果直至裝滿手上既膠袋, 1kg 320yen
而我就決定摘1kg就夠喇~~
哈哈真係好準! 1006g多左6g咋!一定係膠袋重量!
比完錢就上去展望台睇下風景~
一望有際既蘋果樹林~~
左手邊既係岩木山?
臨走果陣有2個東京黎既日本仔搭訕, 知我係香港黎之後, 2個拎轉面起後面組織緊"Why do you come to Japan?"英文點講, 再拎番轉面問我, 好鬼好笑hahaha
見張共通入場券包埋藤園紀念公園, 番弘前站之前順便去埋~
一入門口個cafe建築外型好靚~~
再行入去, 其實就真係一個庭園, 可惜仲未有紅葉
行一陣就番弘前站lu~~經過弘前城都係忍唔住再影多幾張相...
14:30 今次搭新車白神號4號!
>>五能線時間表<<
對面果架唔知係咩車呢
起車度訓左1個鐘左右之後開始見到海岸線~~好多芒草呀~~
好彩我一早check左A排座位係海岸線呢邊~
15:58 就到千畳敷～有15分鐘比大家落去影相~~
雖然超大風但真係好靚!!
正好就黎日落, 夕陽酒落海面特別靚
上番車之後都忍唔住不斷影...
呢張我至愛
當大家好圓滿咁睇住太陽落山果刻都忍唔住拍手!
一落車已經見到>>不老ふ死温泉<<既車起度等接我地去酒店~
Staff服務同態度都超好! 之後會逐個一對一帶你去房再講解, 非常詳盡~
話說我只係book左10410yen既單人洋式房, 但一打開房門竟然好大陣煙味
職員即刻話幫我換房, so nice!
但點都估唔到佢係換左間4人和式房比我! 免費upgrade既感覺好正!!
佢同我講話今次係特別破例架咋~~叫我千其唔好同人講~ sh~~~~~
靜係同玄關都同我尋日間房差唔多大!!
起酒店房竟然有D咁既野?! 好想睇下佢寫咩奈何太眼訓...
唯一唔夠完美既係起房收網路收得麻麻, wifi靜係得大堂先有
溫泉酒店最期待既晚餐時間!!
有我最中意既銀鱈魚西京燒~~
飽到我都冇食過飯呀!
番到黎已經舖好tatami~
訓到半夜突然訓唔著起身睇星星, 可惜太多雲...
沒有留言:
張貼留言