話說之前曾經有3次去旅行果陣book paragliding玩，
點知全部都玩唔成。。。第一次台北萬里，大病連成個trip 都要cancel, 第二次富士山落大雨， 第三次日本東北天朗氣清但太大風。。。。。。
屢敗屢戰既我第4次book!! 今次係起聖谷Sacred Valley 玩， 武器廣場附近既旅行社全部都報價100usd, 反而hostel 平d, 95usd, 於是就起hostel報喇， 二人成團
今日係第2次入聖谷，天氣仲好過上次去Moray!!
(大家有心理準備會有海量聖谷美圖。。。因為我實在太中意呢度喇！！)
路上風景已經靚到媽媽聲。。
司機車左我地上一個比較高既山丘
一到埗已經覺得起度玩paragliding 真係一流！
右手邊望到Urubamba
Pilot(教練) 係自己揸電單車上黎既， 好型！
之後司機放好野餐墊，比我地放背囊，幫我著好哂裝備就等風黎喇~
等了又等
有風都未必可以起飛，仲要岩風向， 等左半個鐘左右終於可以起飛喇！！
衝出去冇耐我就開始比風吹到好高好高！
(唔通因為我太輕？XD)
起高空望住360度廣闊既田原湖泊美景，
真係high 到不得之了！！
連pilot 都話好少咁成功飛到咁高！
飛左15分鐘左右就開始降落喇~
降落起靠近馬路既田原之中， 等十分鐘左右司機就揸車黎車番我上山丘喇~
等多10分鐘左右就輪到E先生喇~
但係見佢一衝出去就極速下降。。。好似唔多成功
5分鐘左右佢個傘就已經降落左。。so sad..
Pilot 話會比E 先生飛多次， 於是又等。。。等。。等
時間長到夠我兜左個山丘一個圈。。。
附近四周都係滿滿既油菜花
影完相番去揾E先生， 原來pilot 話睇黎要再等到下晝先夠大風， 叫我地去食飯先， 於是司機車我地番chinchero 食lunch
非常普通lomo saltado
今次佢飛左10分鐘左右， 算係咁啦
好感恩今日咁完美既天氣！！
番到Cusco 就 約埋另一個旅遊版識既香港人一齊食dinner 喇~
D 雞唔錯架，但唔記得影相。。
沒有留言:
張貼留言