因為彩虹山係由4200米行上5200米海拔, 所以前一晚就食定Diamox喇~~~
今日路途遙遠, 旅遊巴3:30am就黎pick up, 廿幾人一團,
坐3個鐘左右去到一個小鎮食早餐放水, 早餐又係包+果JAM+牛油.....
餐廳出面見到有人起度放牧~~
起草泥馬仲多過人既地方, 比佢地咁樣望住, 我覺得自己似動物園既動物多D...
餐廳出面仲有禦寒衣物賣,
一個只係著短袖衫褲既美國仔好開心咁買完之後將會起一個鐘之後後悔...
又將會起4個鐘之後慶幸...
食完早餐坐多1個鐘左右就到trekking入口喇~~
起入口已經見到遠處有冰川!
今日天氣都唔錯~~
入口可以選擇騎馬~80sol左右, 我既目標係全程用自己對腳行!!!
行行下要比10sol買入場票
Tour guide 其實都兼顧唔到咁多人, 由入口至山頂基本上都係靠自己行
臨到終點果陣佢都有幫我打氣呢!
頭一半都唔太難行, 但到後半段不斷上斜, 我開始喘氣愈黎愈急...
而E先生已經一早唔理我一支箭衝左上山頂
到最後一百米我喘氣喘得好利害, 甚至有人拎住氧氣筒向住我塊面噴...問我Are you okay?....
上山頂開始好大風同好凍, 美國仔好彩有買到外套....
(Almendra遲我2個星期去彩虹山, 竟然凍到成個山都係雪, 見唔到彩虹呢...)
雖然冇網上圖片咁靚, 但都已經好壯觀喇~~不枉此行!!
朝早明明好好天, 但竟然回程既時候落起冰雹!!!
番到Cusco都已經7點幾lu
又去左Santa Catalina條街搵食, 今次搵左間Cafe, Capriccio, 環境唔錯
食物好好味!! 推介!!
沒有留言:
張貼留言