Day 6(上）高尾山, 國營昭和記念公園

高尾山=>國營昭和記念公園=>東京Dome City=>花園神社大酉祭

 好開心呀!今日終於一起身就出太陽喇!!天氣好連心情都好D!!

去新宿站坐京王線去高尾山口站, ticket machine揀discount ticket就有喇~

>>>高尾山超值票券詳細介紹<<<

>>使用方法<<

 九點左右到達高尾山口站已經人山人海!! (今日唔係星期一黎架咩......)

好多都係一睇就係專業行山人士

 計劃行程係搭吊椅上山(以為影相方便D), 行1號線上山頂, 

行埋紅葉台再由4號線轉1號線行落山

>>地圖<<

行去搭吊椅先經過商店街

 坐吊椅既另一原因係纜車好多人排隊, 而吊椅係完全唔洗排

(冇計啦咁多公公婆婆, 佢地點坐吊椅)

 久違既藍天 

 再高D

落左吊椅一路行上藥王院

見到有樓梯上展望台, 上去睇下先生

 可以望到東京好多地方!

 繼續上山~

 紅葉又靚~杉樹又靚~

 D丸子燒得好香~ 買個黑芝麻丸子食先~

 雖然冇餡, 但凍冰冰食住熱辣辣既丸子, 好香芝麻味幾好食~

 好似係穿過呢個石門就會願望成真?...好多人排隊等過門.....

 慘喇...D雲又出黎喇...上到山頂咪見唔到富士山?.....

 巨蜂提子雪糕~

 有個僧人行左出黎吹號角~之後就講左幾句話呢度始終係寺廟, 唔係單純旅遊景點,

要小心唔好破壞呢度D野咁

講真, 用日文講都冇咩用, 應該要有普通話翻譯

 好中意呢個XD

 好大對屐~

 呢幾個日本中學生行山都有哂dress code!

終於上到山頂!

 絕景view位置, 可惜太多雲..見唔到富士山....

 再行去紅葉台睇下先~

成團小學生黎遠足呀~~真開心~

 影個大合照先~

紅葉台呢度有間茶屋, 有蕎麦面食~

就起度睇住靚景食lunch啦~

 見到有個靚位有2個婆婆+一個小朋友, 問下可唔可以搭台先~

原來坐對面個婆婆都係自己一個黎行山~隨離位就係兩婆孫~

對面婆婆即刻讚我識揀位WOR~呢個位望絕景一流~~

 婆婆同我講話佢今朝早黎果陣冇雲係見到富士山架...

唉差少少就見到...

起山頂食零舍有風味~

行4號線行番落山， 竟然少有地比日本姨姨搭訕

話我部相機好似好pro 咁XD, 

傾左一陣知道我係香港人自己黎旅行，

仲即刻起個袋度拎左個草餅送比我(咁緊係冇要到啦)

日本人真係好鬼好人！

以為行程順利進行， 點知行4號線落山竟然多人到要排住隊黎行。。

想行快d 又唔得， 想停低影相又驚阻住人。。

第一次行山多人到咁。。

行完4號線已經好攰。。決定都係搭纜車落山
呢條路又係多人到好恐怖。。多人過朝早好多！
朝早完全聽唔到廣東話，呢個時候就好多。。。

纜車條龍長到癲。。。都係去搭番吊椅。。。

排隊果陣同前面個姨姨又吹下水，

原來佢又係自己一個黎， 就係咁又一齊搭吊椅落山喇~

問佢最推介東京近郊既地方， 佢推介去鐮倉，

 不過好似仲未有紅葉， 都係留番下次先啦~

第一次比日本人主動話要同我自拍XD

]

上車去昭和紀念公園之前買左支好好飲既Caramel Apple Tea~

搭到去西立川站一出行2分鐘就到國營昭和記念公園喇～入場費400YEN

因為高尾山行山又多人，搭吊車又排長龍既關係。。。

黎到都已經3點。。

 又見到好多小學生～

 仲有D著住靚靚和服～

第一時間去租單車，公園收4點半，但4點要還，即係得番1個鐘。。。

>>公園地圖<<

而我呢日只係夠時間由西立川口去到立川口，好多地方都唔夠時間去。。

租單車既地方就起西立川口入去之後向右行一陣就見到

 呢度D楓葉好大呀！仲大過塊面！

 很喜歡這相片的光環

 黎到銀杏大道LU～

 大楓葉與小銀杏

 到4點都係影唔哂。。都係要番去還車再影多半個鐘。。（早知唔租單車。。)

不過我係相信緣份的，還完單車見到有個索鬼妹，即刻發揮我既龍友精神影埋一份

（有問過佢影唔影得先架）

呢個景十足歐陸式庭院feel

見仲有好多人4點半都仲陸陸續續行出黎，結果影到4點40分先捨得走XD