話說驚險的事常常發生在我身上，之前一早book左去SAPA既巴士，
email同我講6:30-7:00去hostel接我，6:45am仲未見車有D擔心，
開番個email出黎睇諗住打比agent,
WTF 見到佢尋日晏晝先send個email黎話叫我去sinh tourist附近既一條街等，
大年初一截的士唔易架。。。打左比agent叫巴士點都等埋我。。好彩最尾都上到車
本身諗住住hostel租架電單車起SAPA周圍去，但起tripadvisor 見到搵當地少數民族做導遊加住起佢地homestay都唔太貴，於是就搵左個叫Su Linh既黑苗族（H'mong)做我導遊喇
2D1N trekking + homestay 70USD
起SAPA TOWN落左巴士就打比呀Su喇，冇幾耐就有個黑苗族人走過黎，
問佢係咪呀Su佢話係，點知準備走果陣又有另外一個走黎話佢先係Su，
仲show到我電話，原來呢個先係真既。。差D跟左個假既走。。。
因為我d 行李都幾重，想放低起Lao Chai Village既homestay 先開始trekking
Su 就提議我起sapa town lunch 完再叫佢細佬揸電單車車我去homestay, 30min 左右， 如果行過去既話要2個鐘架
去homestay 既途中想停低影相都可以同su 講，
想停就停， 正
呢個就係呀Su 喇~佢額頭貼左好多藥貼
呀Su 帶左我去佢grandma 間舖睇下當地人點樣織布染布磨米等等，
原來佢地d 衫既藍色係由板藍根染出黎架
Su話H'mong既女人唔識織布既話係嫁唔出架～
原來佢地d 衫既藍色係由板藍根染出黎架
Su話H'mong既女人唔識織布既話係嫁唔出架～
借左人地頂帽黎戴下HEHE。。
越南農曆新年係會食好似糭一樣既食物（我覺得根本同糭係冇分別。。）
見到呢個畫面覺得已經到左端午節咁
由Lao Chai Village一路行去Ta Van Village
Su自己間屋就係起Ta Van Village架喇
起呢度主要係靠女人賺錢，男人照顧屋企上下，
同我地係掉番轉，佢之前仲供佢老公讀書添
為既係希望老公可以出河內做野，雖則而家都係冇。。
佢老公因為讀到high school識讀寫英文但唔識講，
而呀Su係自學英文識講但唔識讀寫
呢件事都幾諷刺。。呀Su辛苦賺錢供佢老公讀咁多書，佢老公用唔到呢樣野黎賺錢，
反而呀Su唔洗錢咁自學英文講得叻過佢老公而利用呢樣野賺錢
知識改變命運？努力改變命運？。。。
好好笑Su仲同我講佢老公好驚佢勾佬，一見到佢同其他當地既男人一齊就會好嬲
其實Ta Van 同Lao Chai既風景都差唔多
呀Su間屋就係起下面呢張相中間，我地企起我影相既呢個位已經聽到佢個仔大叫
"媽咪你番黎拿！係咪番黎整炸薯條比我食呀~~"（炸薯條係佢個仔favourite)
真係好鬼cute架姐！
一番黎佢個仔就衝埋去攬住佢~so warm
請佢地食pocky佢地細細聲同媽咪講好好食，仲即刻同我fd左，擺哂pose比我影相XD
之後就行番去homestay喇～
右邊係一間起緊既homestay
因為上2個星期特別凍，今年好多桃花都仲未開，呢棵算比較開得多
5點左右番到homestay~原來今日仲有4個瑞士女仔都係住起度架～
homestay門口種左幾棵梨樹，而家正藉梨花盛開期～
見到呀Su d姨甥仔女圍住地下堆紅毛泥起度玩，仲將D紅毛泥當唇膏搽上個咀同塊面度。。
見到都心UP。。於是扭左幾個氣球比佢地玩，小小心意，希望佢地玩少D泥沙啦。。
Su屋企人開始準備晚飯喇～
Su 老公整緊炸薯條
Su又比左D"糉"我地試下，基本上除左D味淡少少就真係冇咩分別，
不過4個瑞士女仔好似覺得好好食咁
上菜喇～～左下係煙燻豬肉，食落好似鴨胸肉！
Cheers！
越南人好中意唱K，呢個係佢地既主要娛樂，去隔離屋睇佢地唱K睇左陣，
佢地D MV，好笑到碌地！！
好靚既古董衣車
9點幾番去homestay望到成天星星，好興奮咁同4個瑞士女講，
本身就黎訓既佢地出到黎一睇
"Well, I think it is normal." "Yes, actually very normal"
"Well, sorry because I live in HK......."
皮已收。
但我對自己仍能對你們覺得平常的事感到興奮，這也不錯吧。
早抖。
尋日已經同Su講左今晚搭9點半night bus番河內，
Su suggest朝早行Cat Cat Village, 晏晝起Sapa town lunch，
再去Ham Rong Mountain同Hoang Lien Son
Su's Auntie老公整緊pancake比我地做早餐～
等緊之際再周圍影下相～ 4個瑞士女仔訓既地方
Su's Auntie搬左台櫈出間屋既門口比我地食早餐，
享受住大自然食早餐既感覺soooooo good!!
蜜糖香蕉Pancake!!Yummy!!
食完早餐，呀Su問我想唔想著下佢地D民族服裝，有機會緊係著啦～～
就係咁我就著左成日喇
佢仔仔飲汽水個得戚樣＝V＝
今日由佢老公揸電單車，15分鐘左右就到Cat Cat Village
沿途都有好多shop賣野，竟然新年都間間舖都照開，Su話賺錢要緊呀
沿途既人見到我身裝扮都以為我都係H'mong～haha
平時有少數民族會起度表演，不過而家係新年所以冇表演喇
路上有其他2個tour guide都係第一次行Cat Cat Village, 行錯路要呀Su教番佢地點行，
佢仲幫手扶個八十幾歲既澳州婆婆添～
板藍根田
Su老公車左我地去一間H'mong黑苗族人開既Pho店～我都好中意食Pho所以都冇問題～
成間舖食緊既人都係黑苗族人
好sweet既畫面，忍唔住影低左
之後去既Ham Rong Mountain就起Sapa Town教堂隔離條路上去，入場費70,000VND
到入閘機果陣個STAFF竟然要呀SU都買票入場，真係奇怪。。
去咁多地方都好少要tour guide都買飛
我覺得我自己跟住地圖行都OK，叫呀SU起教堂等我就得喇
WTF一開email又見到巴士話改左做4PM開車，好彩呀SU提一提我check email姐。。。
加埋好彩我D行李一早已經拎左出黎放起電單車度，
於是SU老公即刻車我去上巴士番河內lu...
9點幾先番到河內，食完晚餐就番hostel lu~
~End of Day6~
沒有留言:
張貼留言