今日天氣唔錯，有諗過搭纜車試山項/Trekking去Cerro llao llao, 但當收完衫執埋張梳化床執下行李己經九點幾，再對住個湖景歎住尋晚Andres整既炒飯實在舒服到唔想想出街行，決定起佢屋企hea到1點幾先去巴士站。
見Andres食住早餐都睇住本字典咁厚既書真係好有文藝氣質....因為香港手信派哂既關係我決定整個蕃薯糖水比佢試下，用之前起El Chalten買既蕃薯（再唔食就出芽XD）加埋黑糖薑茶粉煮埋一齊就搞掂！
Andres都好中意，佢話呢3樣食材起阿根廷都好common，但就從來未試過呢個combination, 覺得好得意！
Haha就好似我之前起越南第一次試薏米＋Yogurt果種感覺咁！
之後Andres話過兩個星期會去智利既Valdiva, 因為果度有個全世界最多降雨量之一既森林，會有好多唔同既植物，佢話智利呢個國家又有降雨量極低既Atacama沙漠，又有降雨量極高既Valdiva, 覺有好有趣（真係好Biologist講既野！）
跟住Andres就送我去車站喇～又要入境智利，我個三文治有salami有山菜比警犬聞到就咁就冇左...但原來其他乘客放左起車度又冇事...
4月3日 Santiago
巴士比原定9：30am早左這分鐘就到，今日既host話4點先可以放行李上佢屋企，所以要搵個位寄存行李先。
買張Bip卡先, 智利八達通
車站入面竟然有旋轉木馬
地鐵入面D壁畫都好靚~
去到Chino Mall, 雖然有d位冇escalator, 但次次上落樓梯都極速有人幫手，智利人都幾好。問左3間，終於有一間肯比我擺，態度仲好nice添！
之後就正式開始我既Santiago一日遊～由武器廣場一路行去炮台小山丘
後生仔起街邊賣薑, 有趣有趣
當日匯率
有D頭痛, 經過藥房買D感冒藥, 要攞籌的
d牛角包好似好好味咁
終於行到去炮台小山丘，360度睇哂Santiago city
再去左間以傳記電影做主題既餐廳食lunch, 間餐廳好貼心，我話喉痛食唔到薯條，佢專登整左個薯蓉比我，仲好好食添！
之後再行去搭纜車上San Bris, 感覺好似起香港搭纜車上太平山頂咁haha, 上面仲有個聖母像添。
一路上都有好多壁畫~
起我前面個BB超得意~
真係好似上太平山頂
要行既話, 山上既小徑有排你行, 我就緊係選擇坐低睇靚景算
走果陣又見到呢個BB(拿我冇跟蹤佢架...)
落山果陣收到host既message話8pm先番到屋企，於是去埋Sky Constanera(因為個host住得近呢度），呢個咁大既商場竟然冇得寄放行李，我唯有超級異相咁孭住個大backpack加拉喼上去睇....
上到去竟然比我遇到個識講流利普通話既Costa Rica女仔，佢話因為佢好中意台灣所以去左台灣做野，今次黎智利係工幹。一個人要幾中意一個地方令佢學到流利當地語再離鄉別井去埋生活呢，真佩服佢
雖然Constanera只係得300m高，但已經係全個拉丁美州最高既建築物！
瘋狂影完日落＋夜景就搭的士去今晚既host Oscar度喇。Oscar叫左外賣，係智利傳統食物，真係佢唔講我都唔知原來智利都有傳統食物囉！行左成日Santiago都靜係見到Pizza, pasta, burger之類既野食....呢個傳統食物主要係用粟米蓉整成既，甜甜地好岩我胃口！
Oscar係做Graphic Designer既，屋企d地圖相架都係佢自己Design既！上面都係一d佢去過既City。
之後佢竟然傾d好深入既問題，又問我黎左南美兩個月旅行，覺得自己有D咩改變呢？我睇到更多生活既可能性同埋文化衝擊：起玻利維亞Lake titicaca船長個女，為左想出去外面既世界睇，成家只有佢一個努力學英文，我地香港人可以周圍去其實已經好好；你以為只有港女中意打卡影相？行Torres del Paine既智利男仔可以孭20kg backpack都好，入面有4部相機加埋公仔作影相道具之用，起Bariloche識既Dafna踩單車踩到邊自拍到邊仲要去埋五星級酒店high tea；起Iguazu Hostel識既Buenos Aires父子竟然為左買made in China既電子用品而搭飛機去Paraguay買，有時你當係草既野人地當係寶；
起旅行之中我會對唔同既陌生人可以暢所欲言，完全可以表達自己好舒服！Anyway we won't see each other again , who fucking care what they think about us.
之後Oscar又講下南美州各國既關係，智利同阿根廷成日起各方面競爭，面秘魯同玻利維亞人係盟友黎巴，大家都唔中意智利人, 因為以前智利攻打過佢地，搶左唔少領土，而阿根廷以前Buenos Aires以南既領土曾經都係屬於智利既，但智利覺得果d領土冇咩resources, 於是拱手讓比阿根廷，但後來阿根廷又起果d領土搵到有石油喎！搞笑！所以阿根廷唔係憎智利而係不斷競爭： 阿根廷人就成日話"We have the best football!" （我都記得起El Calafate識既阿根廷女人都講過We have the best Glacier, Chile is nothing!), 而智利人又會話"We have the best wine in the world bla bla bla....."
而通常呢...智利男人係prefer阿根廷女人多過智利女人既，因為靚D，講西班牙文又好聽D, 唔單止聲調起伏唔一樣，阿根廷人講野有時仲會好似唱歌咁，相反智利人講野有D倔，用字都冇咁靚（我覺得呢個情況同香港男仔中意台妹既原理差唔多），而阿根廷女人係唔prefer智利男人既（普遍身材差DD), Oscar話如果智利人搵到個阿根廷女友，你d朋友一定覺得你唔係好靚仔就係好本事！haha
跟住佢又問我學中文難唔難，我就講解下中文字既由來同演變，身為Graphic designer既Oscar好中意呢part!haha
之後佢又教左我d西班牙文咁，2am, 其實我已經好眼訓，不過佢"Hey! This is your last night in South America! Come on! Don't sleep!......Shit...一路傾到3am先比我訓...
沒有留言:
張貼留言