今日一出門口就毛毛雨，不過都照去Frey，跟住Andres既指示搭20號巴士再轉61號
竟然有人教太極同氣功
落左車都仲要行一段路先正式入行山徑⋯⋯冇做功課以為簡單野，點知行到行山徑入口先知原來去程都要行10km...
仲要不斷上斜...我連lunch都冇帶喎喂...黎到呢度又冇理由縮沙架，Torres del Paine咩廿幾kg backpack都行到，有咩做唔到....
沿路上好多特別既植物，唔怪得之讀biology既Andres會黎咁多次啦～
行到臨尾2km愈黎愈大雨，又凍又濕幾經辛苦卒之2：50pm上到Refugio Frey! 原來呢度都有好多人黎camping wor
去到湖邊仲係毛毛雨又大霧，咩都見唔到，天氣同尋日好大分別。。。
起屋仔入面食d零食，再沖番杯感冒茶（Refugio入面有熱水真係好感動！）
d霧散咁d, 終於見到個湖喇～ 驚天黑都未落到山，急急腳3點半就起程落山喇。
有兩父子都係番Bariloche市中心，個仔8歲左右，見落大級果陣爸爸有扶一扶我，之後落d比較大級既，仔仔都伸手扶一扶我，學爸爸d gentlemen學得好快XD
6點半左右落番入口又開始落雨...呢個時候睇黎又要試下hitchhiking, 第三次嘗試就成功喇～
好彩呢個司機識英文，之後揸揸下見到彩虹仲一齊落車影相添！
經過Havanna叫司機比我起度落車，買番尋日買唔到既手信先～
買左呢個, 奶醬味餡, 好味~
買完手信就去Andres推介既Manush餐廳食Dinner, 果然係好出名，第一次起南美食飯要等位...
等左10分鐘左右見吧台有位就坐低左，隔離有個黎自Buenos Aires既男人Lucas見我睇個西文Menu睇到好迷罔於是幫我手揀啤酒，仲話同我share個Burger餐添!
原來佢同另一個朋友一齊黎旅行，仲話中意左個hitchhiking識既Bariloche女仔添（起阿根廷hitchhiking真係一個好common既交通方法）
佢地好有緣咁起3個唔同地方hitchhiking都遇到同一個女仔，有一晚起沙灘飲完酒睇星星，之後醉醉地揸車揸到80km/h成架車撞到炒起左，佢個frd仲起醫院，但好神奇Lucas又好似冇咩事咁...
之後Lucas問我Asia有d咩Stereotype, 我話想聽左阿根廷果d先，佢話智利人講西班牙文講得最差，如果起阿根廷講西班牙文講得唔好，會比人串"你係咪智利黎架...."XD
跟住佢又教我西班牙粗口，"Bucdoc"(讀音bulldog)即係asshole咁解，佢係咁叫我練多幾次大聲D叫出黎，搞到隔離左右都望住我XD
大家又share下大家couchsurfing既經驗，佢話有次去左個超有錢既巴西男人屋企，張床有成10米長，巴西男叫Lucas訓床頭，佢自己訓床尾，點知訓到半夜佢個host碌左去床頭攬住佢，但佢個host一醒左又好真誠咁同佢say sorry, 仲比左一大盤生果佢做早餐致歉.....我話，係咪做戲架....Lucas話又覺得好真haha, 只係成件事好creepy
之後佢又話阿根廷消費指數好高，但人工又唔係高，Lucas之前起酒店做reception, 人工仲低過香港既最低時薪工資....佢聽完down到爆，仲話第日黎香港洗碗算XD.... 去多d旅行, 就會發覺其實自己都已經幾幸福。
之後就番Andres屋企喇～佢今晚整左炒菜炒飯，又預埋我果份，唯有拎黎做早餐啦。呢日Andres話佢去左做gym, 唔怪得之咁大隻，又會做gym又會彈結他既Biologist我真係第一次見！
沒有留言:
張貼留言