阿根廷版千島湖 – Circuit Chico@Bariloche

3月31日 阿根廷版千島湖 – Circuit Chico@Bariloche

朝早食埋尋日d pizza做早餐, 出門口果陣唔小心整壞左Andres大門個鎖…Andres話我趕時間既爬窗出去先, 好搞笑XD

  

本身想尋日買埋巴士飛, 點知太夜, 巴士公司都收左, 好彩Andres屋企近巴士站姐, 今日再去買過~~原定行程係聽晚坐夜巴去mendoza再去Santiago, 不過黎到旅程既尾聲覺得有D攰唔想咁chur…於是決定skip左Mendoza(其實我對紅酒興趣唔係咁大, haha起緬甸果陣我又係skip左紅酒莊) 直接去Santiago(得巴士公司AndesMar Chile有直車去), 於是買後日中午車喇~~

點知兩張信用卡都碌唔到…唯有要去city centre搵ATM禁錢…

20或者21號巴士(20號可以直接去到llao llao hotel)都去到city centre, 幾經辛苦試到第4部ATM先拎到錢….

市中心周圍都有好多壁畫~

之後又搭番21號巴士去Dafna住既酒店會合, 佢酒店對住湖邊好舒服呀~

再繼續搭21號巴士去到呢度租單車, 呢度附近都有好多單車舖, 是但揀左間, 390peso租到6:30pm還, 而家都已經11點幾, 好彩今日係3月最後一日…因為4月開始就要5pm前還喇!

聽職員講話順時針方向踩會順D~

試完單車就出發喇~

一路上有好多mirador, 估唔到Dafna中意影相多過我!成個asian咁!唔怪得之佢搵我一齊玩啦…

雖然景色同港版千島湖都差唔多, 又未有紅葉(應該最快要4月中先有), 但湖水好藍好靚~~

Lunch 時間, 食左個用魚肉做既pasta~~~

再繼續踩去Lopez,   可惜搵唔到路入Mirador....

本來想去多幾個mirador, 但Dafna每次一停低影相都影好耐…踩得又慢..搞到好多Andres推介既mirador都去唔到….之後到最後一站Llao llao hotel, 成個環境都好靚~~Dafna想入酒店high 個tea先(咁港女既喂……) 我同Dafna講我影多陣相先, 叫Dafna自己入去先

Hotel Llao Llao

入到去見Dafna坐左起餐廳好入, 離窗口較遠既位置, 我問Dafna你唔係入黎食景架咩? 點知佢話個waiter同佢講, window seats are available for reservation only, outdoor seats are available for hotel guests(住客) only…咁鬼高竇既…我心諗呢度野食又貴, 冇得食景既話我走人架喇, 於是我再問多次waiter, 個waiter又話其實都可以坐出面既…..haha Dafna話頭先waiter明明唔係咁講架喎!! 佢話可能waiter見我係外國人同埋靚女D所以比我地出去坐, 笑死XD

兩個港女係咁影high tea相, 好似番左香港咁, haha!! 問下隔離台既韓妹呢度幾錢一晚, 要成2千幾蚊港紙….呢間酒店真係土豪級消費, 我杯cappucinno都要成125peso, 真係估唔到我呢個咁hardcore既trip竟然會有個去5星級酒店high tea既環節!!

過完1個鐘超現實港女生活之後又要趕起6:30pm前仆番去單車舖還車, 都唔知叫黑仔定好彩, 臨還車果下先黎PK, 超痛….

之後同Dafna一齊Hitchhiking番city centre, 等左5分鐘就有個教yoga既靚女司機車我地, 佢話因為之前自己都有試過hitchhiking, 所以而家想幫番人! 好好呀!! 佢竟然仲知道好多香港既野添, 話知道有個香港人同法國人起香港結左婚, 開左間fusion餐廳…又知道之前我地有個好大型既protest…好多好多…不過佢唔識英文, 要靠Dafna翻譯, 所以佢都係係咁同Dafna傾計…

但因為靚女司機係去中途既超市, 所以我地又要再hitchhike多次, 今次係個做construction既男司機, 個樣cool cool地但又係同Dafna講到雞啄唔斷, 仲交換埋contact添, 我話想搵個地方睇下日落, 男司機就放低左我地起Civic centre附近既沙灘~

雖然Bariloche四周都係山, 睇唔到太陽落到湖面, 但都已經好靚~

起南美去到邊都有人起度片石仔添~haha~~

臨走果陣見到沙灘D垃圾 Dafna仲好好心執哂丟番落垃圾桶添~~

之後行去Civic Centre, 類似Plaza de Armas, Dafna見到有支大炮就即刻伸隻手入大炮, 

我仲以為佢做咩事, 原來佢話通常大炮某個位置會收埋左張clue sheet, 好似玩treasure hunt咁提示你去下一個clue sheet既位置, 但呢次Dafna就搵唔到喇…

跟住我諗住去買手信, 因為Bariloche係我起阿根廷既最後一站喇, Dafna見我想入Turista買佢就話不如去Havanna買仲好, 佢話Havanna既朱古力product係最好食~可惜Havanna離Civic centre有D遠, 聽日先再去啦~

之後搵地方食dinner, 睇左幾間都幾貴, 最後去左La Vizcacha, 係一間以Gaucho(馬術(南美牛仔))為主題既餐廳, 我地叫左D平野Milanese Napolitan 加個salad

跟住就搭巴士番Andres屋企喇~~番到去都10點半, 原來Andres等埋我先一齊食dinner…佢整左個巨型empanada, 吞拿魚加粟米蓉做餡, 哈哈我仲食得落既!! Andres聽到我冇去到佢推介既mirador, 同我講果度真係好靚架喎….我個心真係淌緊淚T___T

之後Andres開始練結他, 彈得好勁好好聽!! 直頭係表演級….同Sungha Jung有得揮!