3月29日 古鎮渡假屋? Dona Juanita@Los Antiguos
成晚每隔個幾鐘就醒一次…好似冇訓過咁..
終於捱到朝早6點幾…Aki好中意Eason, 係咁播Eason d歌….哈哈好耐冇聽廣東歌喇…
等到8點幾番Dona
Juanita睇下兩夫婦番黎未, 等左5分鐘左右就等到喇~~~太感動!!!!
上到房發現成間旅館竟然得我住起度…廚房客廳仲要超大!! 梳化超舒服, 又有落地窗, 望出去見到對面個花園, 成個feel實在太正喇~~(重點係只係250peso一晚) 廁所又有浸浴, 廚房又有咖啡任沖, 真係舒服到唔知講咩好~~~
旅館隔離就係老闆娘開既士多, 咩都有得買, 好方便~買左包toast加奶醬(dulce de
leche)做早餐~漢堡扒同Salsa醬整lunch同dinner~
歎完早餐再去多次巴士站睇下Chalten
Travel開左未, 黠知都仲未開….死死地氣買番TAQSA…呢個時候Aki仲起巴士站, 佢起AndesMar買左去El Chalten既車飛, 但竟然個staff係開門入左Chalten
Travel拎部碌卡機出黎….咩意思?..佢地係咪同一間公司?...咁我等咁耐等Chalten
Travel開門做咩…
買完巴士飛Aki跟我番旅館 hea, 佢好surprised我搵到間咁平咁正既旅館!! 舒服到佢都決定留起度住番晚先走~~
落士多加餸, 原來Aki係起加拿大做大廚既, 佢話次次煮野食都會有人圍觀添HAHA
又真係好食過我平時既極速煮法既~~(不過唔差得好遠lorXD)
Hea多陣又出去湖邊所謂既Mirador行下, 起呢個小鎮當地人既主要消遣好似都係去湖邊釣下魚, 掟下石仔, 同小朋友起公園玩下咁, 好樸素既生活!! (呢個鎮連網絡都收得麻麻)
番旅館再補下眠又輪到我煮晚餐, 講真, 我真係覺得同佢煮既差唔多XD
之後Aki竟然拎左盒2公升牛奶盒包裝既紅酒出黎…(唔怪得之佢尋日個backpack咁重…) 雖然味道係紅酒但個感覺好唔似飲緊紅酒哈哈~~ 吹多陣水就訓喇, 尋日訓完巴士站今日好似訓極都唔夠咁….
沒有留言:
張貼留言