月亮谷與星空團 San pedro de atacama

3月4日 月亮谷與星空團 San pedro de atacama

Stan佢地今日就去Santiago喇, 難得識到班咁正既新朋友, 影相留念先~~

 之後食個早餐就同杰鋒佢地4個會合報tour~今日天氣好好萬里無雲!! 好期待星空團!!

條街第一間旅行社係moon valley既official owner, 所以團費係10000peso, 其他旅行社要收多1000peso架~~ 4pm出發, 8:30pm番到, 所以可以睇埋日落, 之後再問佢今日有冇星空團, 點知同尋日一樣佢又話今日會落雨唔出團!!!

唔係呀化!! WTF!!! 怎麼可能?!!! 今日我點都唔信會落雨lor!!! 而且尋晚都好好天!!我有理由相信係因為佢地而家根本冇做astro tour…

之後又去左第2間報星空團, 團費每人18000peso, 9:30pm出發, 時間上同moon valley tour好配合, perfect!! 

之後就番hostel休息lu~~相機電用酒精抹下之後又用得番~~太好喇~~ 今日天氣咁好於是拎部電話出黎哂番乾佢先~哂左幾個鐘之後再試下叉下電(其實上網話要哂2日架, 但我實在太心急…) 真係叉得番!!!超開心!!! 

今日keep住搽消腫gel又真係幾work!!隻腳終於冇咁腫喇~~~今日真係守得雲開見月明!!!

月亮谷入面都有好多鹽既晶石

呢3支香係第一個checkpoint

準備要上山丘喇~~望上去好似都幾高...

頭先我地就係行呢條路上黎架喇~

就黎黃昏, 去左第二個地方睇日落

8點半番到小鎮, 日本人話覺得唔夠時間起餐廳食野於是去左supermarket買野食, 我又番左hostel拎腳架同星空鏡, 跟住就去旅行社集合出發喇~~~架小巴開左十幾分鐘去到一個民居, 有少少失望…我仲以為係去天文台的….不過望上個天又真係成個銀河非常清楚好靚!!!係我成世見得最多星星既一晚!!

tour guide由間屋行出黎迎接我地, 用laser pen(好似幻彩詠香江果隻)指住D星星逐一講解, 我真係冇諗過有人可以指住D星星而我又真係知道佢指緊邊粒!!!

Tour guide既講解亦都非常亢奮!!全程都好excited mode!! 杰鋒又好配合佢咁讚同”yeah!!it is so amazing!!!”好好笑XD 

之後就入屋睇片, 呢part比較無聊, 跟住拎杯朱古力出後院睇望遠鏡, 一團廿個人左右, 有2支望遠鏡, 要排一陣隊先有得睇, 真係望得好清楚! 連木星上面既橫紋都睇得一清二楚!!

臨尾諗住set腳架影相, 點知佢一講解完架小巴就番黎接我地喇…影唔切…遺憾!!!

-------------------------------------------------------------------------------------------------------------------------

San pedro de Atacama實用資訊:

-       入境智利係非常嚴格, 唔可以帶蔬菜, 肉類, 種子…(三文治有塊菜都會比警犬聞到)

-       要搵ATM既話通常會起藥房(Farmacia)入面搵到

-       2017年3月美金匯率1USD:645peso

-       Atacama都有去geyser(地熱), 高山湖泊既團, 但因為起Uyuni三天團入面都已經去左, 所以冇再報

-       另一個我之前起網上搵到既星空團Astro Tour=>按此, 如果想影相既話呢度地方比較空曠, 20000peso

-       我地住既JuriquesHostal , dorm room 9000peso一晚, 算唔錯, 房間有locker, 熱水夠, 但遠, 杰鋒果間Hostal Eden Atacameño, dorm room 7000peso一晚, 近少少

Uyuni – Atacama 三天團 – Day2

3月2日 Uyuni – Atacama 三天團 – Day2

食早餐果陣同利馬媽媽傾計, 原來佢地認為made in China既係好野黎!!好surprised! (咁比起秘魯貨黎講又應該好d既…..)

因為利馬媽媽係玩劍擊既, 有一次佢去完中國旅行順便買左d劍擊用品, 帶番秘魯比d朋友, 個個都讚不絕口, 覺得quality好好….

雖然所有團友其實都識講西班牙文, 但佢地成日都為左我而講英文, 好nice呀!

起旅館臨走果陣仲識左3個台灣人添, 前一晚食飯見到佢地仲以為係日本人, 佢地由Ecuador一路玩落黎, 點知第一站Ecuador就已經起hostel比人偷左野….陰公…

今日行程主要係睇D山, 奇石, 五顏六色既湖, Flamingo紅鶴 , Geyser 間歇泉

Laguna Verde (綠湖)

呢度好多草泥馬~~

我最中意呢一幕~~

利馬仔仔充當埋人肉腳架.....

黎到一片奇石林~

今日我地lunch既地方就係呢度喇~~唔信? 一陣你就知~

呢種綠色波波植物好得意~~

司機準備緊午餐桌喇~~

露天buffet~~

之後經過一個沙漠, 中間有個湖有好多Flamingo~ 呢度真係有魚? d Flamingo食咩生存架呢

今日天氣麻麻, 又天陰又強風, 但利馬媽媽依然面不改容咁好似影National Geographic咁起寒風之中打雀, 仲不斷Bebe前Bebe後咁叫佢個仔跑黎跑去攞鏡頭攞布, BB又要做埋人肉腳架….

呢一刻, 我終於明白其實BB並唔係好想同佢呀媽去旅行…亦明白點解佢尋晚有surprised既眼神….

又黎到另一舊奇石

起呢個沙漠之中有舊咁既石又真係幾神奇

臨走果陣見到有團強國團, 十二部Jeep浩浩蕩蕩咁駛埋黎, 認真巴屎閉.....

(好彩岩岩影完相, 我想像唔到每到一個景點都有幾十人一齊起度影相既景況.....)

去到 Laguna Colorada(紅湖), 終於出太陽!! 晴天下既紅湖好靚

呢度比起頭先仲多Flamingo

呢個高難度瑜珈動作黎喎....

黎到Geyser間歇泉, 四周圍煙霧瀰漫...仲有D地熱發電設備

司機打開左D geyser口比我地影相,  D煙噴出黎果下好誇張!

不過呢度都係超大風同好凍...巴西情侶影左一張相就即刻番上車....

呢晚住既鹽旅館係全團6個人訓埋同一間房既, 成班人柴娃娃咁一間房好似番左中學去宿營咁!!

放完行李出去飲茶食茶點, 導遊同我地講溫泉(6sol)離旅館行5分鐘就到, 可以揀食完晚飯去或者聽朝7點前去, 於是我地6個食完茶點就組隊去視察環境喇~6pm左右已經有好多人浸緊, 水溫夠熱~之後佢地決定食完飯就去浸喇~

大家番房休息, 見利馬媽媽執哂腳架準備又出去, 問佢去邊, 原來佢都中意影星空!! 於是我就跟利馬媽媽一齊出去影相喇~~

WOW!!! 成個天都係星星!! 頭先去睇溫泉果陣我都冇留意望下個天添!! 仲睇到好清楚既銀河!!!

雖然唔係起鹽湖度睇到, 起呢度睇到都好震撼!!

呢次係我人生之中第一次影到銀河!!! 影到第一張之後開心到攬住利馬媽媽大叫!!! 超感動呀!!!!

食完飯之後, 大家去溫泉意欲又有D降溫, 因為出面好似好凍…Estonia女不斷摟我地去…因為Estonia冬天係-30度, 而家呢種溫度對佢黎講係夏天XD!!! 我隻腳仲係腫到豬腳咁, 我講笑咁望住我隻腳問”Can you go?” 我話佢死左行唔到XD (不過真係驚浸完隻腳仲腫)

巴西男望住我隻腳都話呢隻根本唔係人類既腳!! 問我呢個星期究竟點樣行, 仲問我可唔可以同我隻腳影相! Hahahaha笑鬼死! 或者就係我對旅行既熱衷令我繼續行落去啦~~

巴西女不愧為醫生, 隨身帶住消炎藥, 見我隻腳咁恐怖比左2粒消炎藥我~

最終比Estonia女摟到巴西男陪佢去~ 我冇去浸到真係有D後悔…不過都冇計啦…