Arequipa，秘魯的第二大城市，於2000年被列為世界文化遺產。
這座美麗的城市完全是用一種白色的未固結的火山凝灰岩建造而成。這也正是人們將其稱為“白城”的原因。古城結合了歐洲建築和當地傳統建築，是西班牙殖民者和當地土著居民的絕妙傑作，整座城市永遠都煥發著春天般的勃勃生機。
Arequipa係我起南美couchsurfing既第一站, 但亦都係最黑仔既一次...
話說我仲未到埗我個host Juan已經whatsapp同我講因為呢排天氣差, 全Arequipa有用水控制, 呢幾日佢屋企都冇水...shocked....沖涼好緊要架wor....
南美巴士遲到係平常事(但第一次唔知嘛...), 本身應該8點到既巴士結果最後11點先到, 原本話黎巴士站接我地既Juan都番左屋企等, 所以我地要搭的士去佢屋企, 佢屋企起市中心以東15分鐘車程左右, 唔算方便, 出入市中心搭的士都要6sol
整頓好就一齊去市中心食lunch喇~帶左我地去一間素食餐廳, 有湯有甜品都係9sol~味道正常啦..
肉醬意粉又整得幾真
甜品係yoghurt~~
之後Juan就帶我地去唱錢搵旅行社, 起武器廣場四周都有好多
book左聽日去既2日1夜Colca Canyon tour就起附近行下~
但Juan好似有D悶同心不在焉咁..我就叫佢番屋企先喇~
Colca canyon 2D1N tour, 75sol, buffet lunch 30sol, Hotspring 30sol
連M記都融入起白色火山岩之中
Basilica Cathedral of Arequipa 阿雷基帕 聖殿主教座堂
行過武器廣場最先睇到既必然係呢座咁雄偉既教堂!
教堂有個博物館, 但要10sol....所以就冇入喇, 但教堂每日開5-7pm, 遲D再番黎啦
起全南美既武器廣場你都幾乎可以見到無數鴿子
Iglesia de la Compania de Jesus
起武器廣場4個角落好似都有座咁既樣既教堂, 成日都以為自己行番去同一個地方
起閘出面遇到有free walking tour起度講解, 於是中途加入~
但呢個時間教堂冇開, 入唔到...
跟住walking tour入左去教堂隔離個庭園, 放左好多畫起度
四周柱子上面既雕刻非常細膩, 都係以印加文化既元素例如農作物, condor做題材,
聽導遊講以前呢個庭院係西班牙人讀書既地方, 所以整得非常精緻
之後tour guide帶左上我地去一間餐廳既天台
可以由高D既角度睇到教堂同武器廣場
但世界上邊有免費午餐?做咩餐廳咁好死比你上佢地天台?.....
落番黎就知咩事喇....餐廳老闆好似傳教士上身咁..."The world is so amazing...." bla bla bla
講左10分鐘先入正題係咁sell自己餐廳炭燒野食, 食材又有幾好乜乜乜
叫我地今晚黎幫襯云云.....
Walking tour去到呢part就完喇~
之後就要去港女不得不到既 聖凱瑟琳修道院 Monasterio de Santa Catalina
點解? 因為實在太靚喇!(對不起原因可能有點膚淺)
牆身顏色主要為紅, 白, 藍, 加上園內既花園, 都真係幾romantic!
修道院既由來與歷史=>自己click啦
入場費40sol, 入口可以比錢請tour guide講解, 不過我地就冇喇
最中意遊客不多既地方~
天花既畫好靚,仲保留得幾好
真係好中意藍色既牆, 點解香港咁少架?
估唔到有間cafe起度添!
無啦啦起二樓都可以有咁大棵仙人掌?! 南美真係咩都有可能!
用黎洗衫既地方
呢度仲種左好多唔同品種既仙人掌添~
可以行上去睇Arequipa既城市景
雖然風景都唔算話好靚, 但如果你星期二, 四晚黎, 修道院開到8點, 可以睇到夜景架~
之後行到好攰就番左Juan屋企休息喇~~唔想再出番city centre食飯,
Juan屋企又冇水煮飯...於是佢就帶左我地去左間好大既supermarket買野買dinner,
起呢間mall入面, 入面D舖頭都好modern, 突然覺得自己離開左秘魯咁
Juan屋企有掛畫, 全套音響設備都好強勁...電視應該起碼42吋, 成個感覺都幾時尚
我地食完飯仲好free咁霸左佢套音響電視黎睇片播歌添!!
不過最獨特既體驗莫過於用樽裝水沖涼......唔好問我點沖.....😨
沒有留言:
張貼留言