全個秘魯hostel大多數既早餐就係咁...
一早出發去番旅行社集合~ 今日天氣好過尋日好多!!好既開始!!
同旅行社老細長毛影番張相留念...佢好森山大野人feel.....
E先生竟然話同我好似樣..........
之後個staff帶左我地去武器廣場等, 開頭搞錯左我地係去sacred valley...
臨出發之前問我地會唔會中途離團我地先知佢地搞錯左....好彩趕得切join番岩既tour...
Cusco特別多女警, 好多都好型!!
上旅遊巴正式出發喇~~首先會起Chinchero呢個小鎮度停一停(振興旅遊業嘛...)
黎到一間手工藝品工場
大家坐定定之後就開始講解點樣製作布
草泥馬毛因為原本有雜色雜質, 所以首先要用熱既薑水沖刷草泥馬毛
捲成Fibre之後就可以上色喇
有分天然同化學染色劑, 當然古時就緊係全天然染色啦~
藍色用板藍根, 紫色用purple corn, 都係用植物提煉出黎~
之後就可以用黎織布喇~~
呢度仲有養殖天竺鼠, 一見到我就諗起香港既倉鼠!!
肥肥白白咁好得意~~但佢地好怕人架~~
之後就出發去Moray~ 沿途綠草如茵既風光都好靚~
終於到喇~~
關於Moray既介紹~
這個梯田不是依山而建，而是由三個獨立的圓型系統所組成，建於山谷下，每個圓形都很完美，是一個十分獨特的印加遺跡。到目前為止，都未有人肯定這些梯田的作用，但根據梯田的位置和結構，不少學者都認為Moray是一個戶外實驗室。
這個環境就彷彿是一個與大自然結合了的溫室，梯田的每一層有攝氏0.5度溫差，最高和最低層可達攝氏15度的差距，利用這個溫差去實驗種植不同的植物，測試每和研究種農作物的種植條件，有助他們改善已有的耕種方式，甚至嘗試培植新品種
應該就係因為有呢種實驗室先令到秘魯有超過4千種既薯仔?!
之後黎到Maras既鹽田
早自印加時期前，Maras的人已開始透過蒸發地下鹽水來採鹽，他們建造了一個精密複雜的引水系統，把鹽水引到這裏數以百計的鹽梯田，每塊鹽形狀不一，面積都很小，約4至5平方米，深度亦不會超過30厘米。地下鹽水隨著引水槽流動，每一面田都有一個V形缺口，鹽水就是從這裏慢慢引進鹽田內。
隨著太陽將鹽田內的水慢慢蒸發，水變得過度飽和，鹽開始在田的內圍和底部結成大大小小的晶體，鹽田的主人便會堵塞V形缺口，防止地下鹽水繼續流進田裏，讓鹽田在陽光下曬乾，一星期內便可採鹽。採鹽後，鹽民再次打開V形缺口，整個程序又重頭再來，循環不息。
因為2月係雨季, 雨水較多, 所以只有少部分鹽結晶,
乾季既時候鹽田應該會白好多~~
出番去果陣可以買D粉紅鹽做手信架~
上番巴士起上面望番落黎真係好壯觀!!
回程果陣一路風光明媚~ 張張相都十足十d 電腦wallpaper咁
番到cusco落毛毛雨, 是但起Santa Catalina條街搵食
El Encuentro Vegetarian Restaurant
起秘魯食野, d芝士好似唔洗錢咁一大杯比你, 咁食法有少少唔慣haha
仲記唔記得佢? 又係秘魯吉祥公仔, 招財貓D friend
番hostel果陣見到草泥馬又忍唔到要影相.....
番到hostel比Almendra睇今日D相, 佢一見到白雪雪既天竺鼠就即刻忍唔住講
"It looks so delicious!!!"
.
.
.
果然當地人同我地睇野既角度好唔同呀下....
佢仲話一於等我地起Amazon番黎果陣帶我地去食
跟住又講下點解佢叫Almendra, 因為西班牙文Almendra解Almond, 所以我地好有興趣知點解XD
原來係因為佢家姐好中意食Almond, 於是叫媽媽改細妹個名做Almendra, haha竟然係咁!!
跟住我地又教佢寫自己個中文名"杏仁", 佢又教我地幾句Quechua(安第斯族人語言),
佢話佢都係佢婆婆教佢先識咋~
之後起hostel食少少野就去搭夜巴去Puerto Maldonado喇~
沒有留言:
張貼留言