朝早訓唔著, 上天台睇日出....
食完早餐就去join hostel介紹既walking tour (因為之前果次join既時候已經係tour尾聲..)
今次Iglesia de la Compania de Jesus有開喇~~
呢幅"最後的晚餐"好有秘魯特色架,
1. 主菜係天竺鼠, 天竺鼠係秘魯人每逢節慶一定要食既大餐，係印加人既傳統食物
2. 張台係圓既
跟住又黎番呢個廣場, 就聽到Oh my love my darling既音樂!! 做咩咁鬼romantic!!
原來係有賣藝人吹住傳統樂器演奏呢首歌, 加上廣場既回音, 好好聽!!
之後導遊帶左我地去market,
佢話呢個係幾乎秘魯最organised既market! 物件分好哂類, 又整齊又乾淨!
導遊仲推薦2樓一間食芝士雪糕(Queso helado), 話完左tour大家可以黎試下,
點知即刻有團友話不如就而家一齊去食, 哈哈~~
食落感覺似雪葩, 芝士味都幾濃, 加埋肉桂粉, 都幾特別
之後又帶我地去一D當地人住既地方
最後環節係帶我地去間天台bar飲pisco sour~
導遊問問題獎多杯pisco, 佢問番佢叫咩名, 點知冇人記得!....
之後食lunch我地又番番market 2樓食, 因為覺得應該係最平既地方, 10sol左右
呢個千層薯蓉好好食! 但起秘魯就最好唔好食牛喇, 因為通常D牛好韌!
地下入口附近有好多飲品店, 全部都好養生健康!
瑪卡(MACA)明明起西藏賣得好貴, 唔知一杯有幾多瑪卡粉呢...
其他仲有藜麥汁, 豆漿等等
就叫杯瑪卡汁試下先~ um...味道果然好健康.....不過2.5sol一杯真係好抵!
我仲起度買左包瑪卡粉添, 都係12sol咋
行過生果檔見士多啤梨個樣都唔錯, 但唔係好甜
之後就行去Mirador de Yanahuara
見D人屋企種仙人掌種到好似起圍牆咁
原本下面呢幅相係應該有座山起度既....但今日完全睇唔到........
番去果陣經過橋邊公園竟然有隻比人鎖住既草泥馬..陰公豬....
5點左右又番到黎武器廣場
5-7pm 可以入教堂參觀喇~~
秘魯同玻利維亞既教堂最有特色既, 我覺得係大部分雕像都會戴頭紗, 可能因為呢度真係好哂?!
黃昏下既教堂特別靚
8點半要搭夜巴去Cusco所以番去拎行李~又上左天台影日落~
之後就去bus terminal搭夜巴lu~~
沒有留言:
張貼留言