Condor! 安第斯神鷹峽谷 Colca Canyon

2月5日 安第斯神鷹峽谷 Colca Canyon

Colca Canyon號稱世界第二深峽谷(第一在附近...往北3-5小時...還在開發中)...是美國大峽谷的兩倍深, 但其實睇落唔係真係咁壯觀, 因為係板塊擠壓峽谷...反而美國科羅拉多大峽谷係水流切割...所以視覺上要壯闊好多

要參觀Colca Canyon有幾種選擇:
1. 1天團 by car: 老實講, 該看的condor+峽谷一日絕對夠, 但要凌晨3點起床...因為8點後condor就少好多
2. 2D1N by car: 比較悠閒, 仲因為實在太多時間而塞左個溫泉環節, 不過亦都多D時間同草泥馬影下相
3. 2-3天 trekking: 比較平既選擇, 通常都係歐美人士先會揀...完全冇高原反應既佢地覺得trekking一至兩日入峽谷係小兒科

而我今次就揀左2D1N tour喇~

因為唔係住hostel所以要自己去旅行社等上車....

經過武器廣場見到有士兵進行緊儀式

上左旅遊巴第一站先起Arequipa市郊士多放水補給

因為Arequipa只有2365m, 但是此行最高海拔高達4850m

所以tour guide 推薦買Coca leaf+candy黎以防萬一

(我有Diamox但我唔記得左帶!!!之後非常後悔!!!因為coca leaf對我係冇效既...)

Coca leaf放起口入面o趙既時候一定要連埋左下果粒類似香口膠(每次搣少少)一齊趙,

如果唔係就好難將D有效成份磨出黎架

之後就正式上路喇~~

去Chivay(今晚住既小鎮) 途中會經過好多火山~~

仲有秘魯國寶Vicuña~

係草泥馬之中Fibre最fine最幼滑既, 比Cashmere仲要再高級!

而且只能野生不能養,所以好珍貴

 中途有休息點可以飲Coca Tea

隻貓好鬼搞笑!

然後就是高山上的綠洲, 有Llama亦都有Alpaca

係我黎左南美第一次一次過見到咁多草泥馬!!! Wowwwww!!好打耳呀~~(港女尖叫mode)

   

之後到左睇火山既Mirador(view point), 黎緊呢2個月將會不停見到Mirador呢個字...

Wow!!我人生第一次親眼見到火山冒煙!! 開頭仲以為佢係爆緊, 原來靜係得煙

呢個就係Chivay小鎮喇~~要比70sol Colca門票錢

之後就去左食buffet lunch既地方~30sol, 野食好一般, 有D團友自己去第度搵野食

呢個時候我已經有D高山反應, 少少頭痛....但問同團歐州澳洲團友個個都冇咩感覺....

  

之後帶我地去hotel check in, 有兩個鐘休息時間, 跟住就帶我地去浸溫泉喇~

溫泉15sol, optional可以唔去既, 

換衫沖涼位起吊橋既左邊, 但溫泉起右邊....

所以行過呢條吊橋果陣感覺都幾刺激..... 

不過溫泉水唔係好熱, 我估得34度左右, 加上坐出D既話都幾大風...

不過都未嘗唔係一個同團友chitchat既好地方

個個都浸到唔想起身...因為一起身果下會好凍!!

番hotel休息陣, 洗頭沖涼就去食飯喇~

餐廳有民俗樂器同歌舞表演~

可惜我犯哂有高原反應唔應該做既事....

又浸溫泉又洗頭...完全唔識死咁..所以食飯果陣超辛苦...飲左幾啖湯就嘔喇...

佢地邀請我出去一齊跳舞我都嘔到冇哂力....

呢part舞好搞笑, 要用鞭鞭另一個..好SM feel...

傳統舞真係咁樣?...似搞笑多D...

跟住一番hotel唔洗5分鐘已經訓著.....

2月5日 安第斯神鷹峽谷 Colca Canyon - Day2

起酒店食完早餐約7點就出發, 旅遊巴起一個小鎮 Yanque既廣場停低,

比我地參觀下教堂同傳統服飾跳舞表演 

成個廣場都好似係為旅遊業生存:
有紀念品攤檔;
跳舞表演你影相既話會黎收你錢;
仲有大媽拖住草泥馬同condor比你影相賺錢

草泥馬真係治癒系動物, 每次見親D公仔個心都軟哂


個個都DUP低頭跳舞

 一次過可以同condor同草泥馬影wor...有D錢係要比既...
呢隻草泥馬個樣好傻呀!!

跟住又去左第二個旅遊小鎮Maca

見到既野同Yanque差唔多...souvenir, 草泥馬, condor

之後就終於去Cruz del Condor睇峽谷同condor喇~~~
今朝仲係有少少高山反應, 澳州團友比左粒sorojchi我食, 即刻冇哂事
(做咩尋晚又唔早D比我食...)

註: Sorojchi係起南美藥房好易買到既高反藥, 冇咩副作用, 仲好快見效添
價錢同diamox差唔多

掛住影相都冇好留心咁睇下有冇condor, 過左半個鐘左右團友話已經見到2隻lu
好彩過多陣我都睇到1隻!!!!  係...係1隻咁大把

望住呢個峽谷, 我心諗, 要我trekking入黎我就寧願唔黎喇....

之後就開始回程喇~
經過一個Mirdador Wayracpunku, 油菜花好靚呀~~

仲有好多梯田

呢杯雪糕? 唔係奇異果味黎既, 係由一種當地先有既花製成, 味道好清新, 幾特別

見到草泥馬BB, 黎個愛的抱抱先~~~
(雖然佢個樣好抗拒...)

Lunch 果陣又放低我地起一間buffet lunch既餐廳, 團友見尋日30sol既buffet lunch不外如是,
於是自己行番去鎮中心覓食,  我地一於死跟!!
結果去左間7sol有湯有main dish既,
話說秘魯D湯又大碗又多料, 通常有藜麥/薏米, 飲(食)哂都飽左一半

番Arequipa中途遇上羊群, 似乎草泥馬對我地好有興趣呢!!

番到Arequipa之後, 同E先生一致認為我地今晚要轉住hostel, 因為唔想再用樽裝水沖涼...

點知番到Juan屋企又話有番水喇wor, 可惜我地去意已決...

於是去左距離武器廣場非常近既Mango B&B

同房有對法國情侶同一個scotland女仔, Scotland女仔係起Chile做義工教英文既, 佢話好中意秘魯

問佢點解, 因為..........食野好平...............................

竟然係咁...

之後去武器廣場附近醫肚~

跟住tripadvisor推介黎到starbucks 隔離呢間Burger餐廳


La Lucha

自稱擁有全秘魯最好食既薯條

的確係唔錯~~薯條仲有8款醬點添!!正!!