南美巴黎 Buenos Aires

3月8日 南美巴黎  Buenos Aires

自從尋晚見到呢度咁多甲宅, 佢D早餐又唔知放左起度幾耐, 我都係食杯面好過

執完行李準備出去截的士去機場果陣, 今日又有第3個staff, 咩都唔知, 又叫我比番果晚房錢, 叫佢打比尋晚個staff叫佢自己解釋佢又打唔通, 又話叫佢老闆黎定奪, 點知又等左15分鐘佢老闆都未黎, WTF又黎呢招, 我話要趕飛機一定要走, 佢就話要報警….

Lobby同場有個英國男仔, 我同個staff嘈交果陣起度睇戲咁睇, 仲起度話”Can I have some popcorn?”….

搞到我又嬲又想笑….我大個staff話報警咪報警, 我有証據我唔係住起度, 但hostel要賠番機票錢比我, 

英國男又加把口”Wow!! I like Hong Kong girl!! So aggressive!!”………….

到最後佢都係攔住門口…為左唔想犧牲我寶貴既旅行時間…我都係死死地氣比左果晚房錢, 

但我同佢講我一定會將佢hostel d衰野起網上公開劣評!!

離開hostel以為惡夢完結, 點知hostel幫我call果架的士車錯左我去bus terminal…..都話我要趕飛機咯!!!!

結果起飛前唔夠1個鐘先去到機場, 大佬我仲要checkin行李架!! 司機仲要收左我成200peso….好彩…Salta個機場好細, 入左機場行10秒就到checkin counter, 行多廿秒就到gate…總算有驚無險上到機….

2個鐘機程, 得2包snacks

2個鐘左右就由Salta黎到Buenos Aires(AEP機場)喇~~~~

Buenos Aires係阿根廷首都, 直譯中文解釋為”好空氣”, 呢度果然空氣唔錯~~

這是座被稱為「南美巴黎」的城市。當歐洲戰火連年時，遺世於南美大陸的布宜諾斯艾利斯開始受到歐洲貴族的青睞。他們紛紛攜家帶口地來到這個空氣清新、氣候宜人的地方定居，還帶來了資金和技術，打造出大量古典優雅的建築和環境，以延續他們在歐洲的奢華生活。當年裝著阿根廷牛肉運往歐洲的商船，回程時滿載的便是大批建築原材料。而在18世紀末最為流行的法式建築，成為了布市的基調。

原文網址：https://kknews.cc/zh-tw/travel/g2qvyy.html

起大城市係比較容易搵host, 而起Buenos Aires我都收到唔少offer, 最後揀左住起市中心既Leandro, 因為佢就住起地鐵站Moreno附近(近五月廣場), 去各個遊客勝地都好方便!!

跟住Leandro既指示買SUBE卡搭巴士去佢屋企, 行出機場起馬路邊等巴士45A巴士, 一程6peso

嘩巴士上面有wifi添

半個鐘左右去到七月九號大道既Venezuela站落車同Leandro meetup喇~

好中意佢屋企!! 又modern, 白色簡潔又乾淨, 同我想像之中既IT毒男屋企完全唔同XD

Leandro係做IT既, 但5個月前失左業, 到而家都冇未搵到工…所以可以帶我周圍去~haha~

去到佢屋企已經1點, 原來佢準備左個蔬菜蛋批整比我食!! What a warm welcoming!!

仲可以用佢洗衣機, 拿拿臨洗左由Uyuni開始都冇洗過既衫….

等焗蛋批既同時佢又介紹下阿根廷人飲Mate既習慣, Mate簡直係阿根廷既國粹, 首先將mate茶葉放入空心葫蘆/南瓜杯放到7成滿, 再加入80度左右既熱水, (100度滾水會破壞茶葉既味道架), 再插入飲mate專用既飲管(有filter既), 千祈唔好攪下佢呀, 根本唔洗攪都會出味, 等一陣等茶葉出咪同吸收少少空心葫蘆/南瓜杯既味道就飲得~ 飲mate另外仲係一種社交文化黎, 通常起聚會度由一個人準備mate, 然後share比其他人飲~

我第一次起Salta見阿根廷人個個飲埋同一支飲管開頭都有少少接受唔到, 但Leandro話如果你嫌飲管污糟或者介意共用飲管既話, 咁樣係好冇禮貌架!! 仲有~如果人地請人飲mate既話, 飲完比番個杯人, 佢就會繼續沖架喇, 如果你講thank you/Gracias, 即係代表你已經夠喇唔想再飲! 對於一D岩岩黎阿根廷既有禮貌遊客如我就做錯左喇XD 有D人講完thank you仲想飲但又唔知發生咩事hahaha

食完美味蛋批, 上天台晾衫之後, Leandro就出去陪我行下喇~~

呢幢係Ministry of Social Development of the Nation, Leandro話呢幢建築物令七月九日大道窄左(起google map睇就睇得好清楚喇), 曾經政府想拆左佢, 不過比人民示威抗議阻止左拆卸

跟住就要橫過號稱世界最寬的七月九日大道 (Avenue 9 de Julio) , 每邊各有 9+2 條行車線, 總寬度達到460英尺(約合140米)。要過呢條馬路最少都要經過2-3個紅綠燈, 要一次過過哂都有D難度!

因為今日係三八婦女節, 周圍都有遊行隊伍~

行入五月大道, 黎到第一站Café Tortoni~

Café Tortoni除了是阿根廷現存最古老的咖啡廳以外，也是最具有阿根廷文化代表性的咖啡廳。
從1858年建立以來，對於文化及藝術的推廣一直非常的用心，長久以來都是一些文化學者 / 詩人 / 作家 / 音樂家及藝術家聚集的地方。
店裡有Jorge Luis Borges ,Carlos Gardel及Alfonsina Stoni三位文學家 / 音樂家及詩人聚會的蠟像，及一些名人的單獨頭像。
原文source: http://www.backpackers.com.tw/forum/showthread.php?t=411449

古董咖啡機?

以前一D成日黎既詩人 / 作家

一出番五月大道就聽到遊行隊伍既聲音....Buenos Aires每年婦女節既遊行, 一方面係示威爭取女權, 一方面係慶祝, (好似同七一差唔多...)

一直行去五月廣場~

  

五月廣場係遊行路線既終點

  
好多宣示女權既畫作

之後我想去El Ateneo書店, 於是搭地鐵過去~
五月廣場既地鐵站歷史悠久, 一落地鐵樓梯就係閘, 行多幾米就到月台

出左地鐵Leandro話不如行下Galleria Bond Street, 我覺得好似以前既瓊華XD

好大間紋身店~

好少見商場入面都有咁多Graffti

  

麥記價錢仲貴過香港

黎到El Ateneo喇~
El Ateneo Grand Splendid是世界上最出名的書店之一，她被英國報紙"The Guardian"選為目前世界上第二美麗的書店。

這個書局原本是一個1919年蓋的劇院，2000年2月開始整修成書店。

舞台部分變左做cafe~

之後去左名人墓園隔離條街Junin飲野, 成條街都好多遊客, 環境好舒服好chill
一杯手工啤酒先港紙40左右

跟住去左名人墓園前面既廣場食野, 環境一樣都係咁chill~~

食完就番屋企lu~~
一落巴士就聽到雷聲愈黎愈近, 好好彩起雷雨之前趕到番屋企收衫!! 時間岩岩好!! haha!!

Leandro播左好多佢中意既歌比我聽, 其中有隊經典樂隊soda stereo 我幾中意~~

張梳化床仲要係double bed size, 超正!

-----------------------------------------------------------------------------------------------------------------------

Buenos Aires實用資訊:

-       SUBE卡(亦即係好似我地既八達通), 上機場(AEP)二樓既便利店有得賣, 25peso, 搭45號巴士(Linea 45)去市中心, 行7月9日大道, 經五月大道, 只需要6peso(搭的士要200peso), 但我都增值左50peso入張卡, 因為除左Buenos Aires之外, 起之後要去既Bariloche都可以用架~

-       落番地面行出機場馬路邊等45號巴士(注意果度係冇任何巴士站牌), 不過見到人企起果度等, 我又跟住人, 等幾分鐘就有巴士

-       去ATM禁錢要搵HSBC, 其他銀行多數拎唔到

-       背包客棧Leandro大大既景點介紹非常值得參考: 連結