意外的一天 La Paz

2月22日 意外的一天 La Paz

今日冇遊行可以入Plaza Murillo喇~~

又有無數鴿子....

食個早餐先~~

起出面睇真係唔知原來入面咁靚!!

個empanada入面好juicy!! 感覺有D似食小楊生煎哈哈!! (不過個邊咁黑我就唔食喇..)
我食過咁多次得呢間先係咁多汁架咋, 呢間值得一試!!

位置起呢度:

去Calle Jaen行下~~ 呢間咁靚既係歌劇院~

唔通太早?點解咁少舖頭開既....

Museo de Etnografía, 不過岩岩去到就話放lunch....要3點後先再開....

不過都可以入去內庭影下相...

之後又行番去San Francisco Church, Edson話可以比10sol(定20sol?我唔記得)上教堂上面~ 有tour guide講解

西班牙人攻打入玻利維亞果陣, 有人民帶埋食糧入左我身後既密室過左幾年.....
(我心諗佢地拎左幾多野食入去.....)

再行上D~

可以上到鐘樓添~

佢揸住"Thanks for not playing water"既旗, La Paz因為之前比較乾旱, 所以La Paz同Oruro都有實施用水時間管制, 臨近Festival日期, 過往小朋友最中意玩水戰, 但而家就因為用水管制而轉左玩foam spray喇

黎到Plaza Camacho, 有咩做? 因為Edson話呢幾日呢度有個Minicha Fest, 有個市集有好多迷你小物, 好似幾得意咁

成個Plaza都有好多壁畫

D銀紙仲細過大富翁D錢!

唔知係咪時間太早, 好多攤檔都未開...遲D再黎過

我起玻利維亞從來冇見過女人著成咁, 點解呢間舖會賣呢D衫...搵鬼買.....

之後去搭La Paz其中一樣最出名既野~就係3Bs一程既纜車~~~

番教堂前面搭小巴果陣又見到有人表演break dance~

就黎日落, 所以搭比較近既紅色線

我同Edson講3Bs一程真係好抵, 佢同我講但玻利維亞人工少過香港好多wor...
但昂坪360要HKD200 wor....係呢架纜車既60倍價錢, 但香港人真係賺多玻利維亞人60倍咩....
跟住佢又blablabla係咁話我.....

我起纜車企起身1秒坐過對面, Edson又係咁話我咁樣好危險, 我唔應該為左影相咁做blablabla.....

上到黎El Alto喇~~Alto西班牙文既意思係高, 你睇下成4095米海拔!!

因為Edson實在太煩膠, 同佢嗌完交我叫佢自己去同朋友食飯....點知......

我想去前面既mirador影相, 點知盪失路.....電話又冇電.....去左個斜坡度....有5隻狗衝出黎包圍我...我個腦不斷幻想緊今晚比5隻狗咬死既畫面.....
我嚇到呆左郁都唔敢郁...但夜晚好大風, 過左3分鐘之後心諗咁企落去唔係辦法wor....

諗住走佬果陣比隻狗咬左我隻手一下....可能佢以為我手上個膠袋裝住野食...
我嚇到傻左碌左落個斜坡...好彩D狗冇追落黎...但我隻右腳拗左柴....又唔知點搵路, 走又驚D狗再黎咬我....好彩呢個時候有個當地人爬上黎救我...扶住我行帶我去搭纜車走....無盡感激....

番到Edson屋企知實會比佢笑我= =但佢都好好又幫我搽藥膏又包紮

好彩我件U記薄羽絨夠實淨, 隻狗D牙咬唔穿, 應該唔洗去醫院打針掛 

唉....拗左柴聽日冇得去Death Road踩單車喇.....唯有起屋企休養下....