Don Silvano 農莊一日遊

3月13日  Don Silvano 農莊一日遊

話說之前睇人遊記有介紹去阿根廷既農莊好似幾得意咁, 於是我又上網搵到間叫Don Silvano既農莊有搞一日遊~Leandro話佢以前公司outing都有去過, 話覺得唔錯~

一日遊詳情, tour price 748peso, transportation fee 390peso, 除左星期三之外天天出團,

不過Leandro幫我打去問就話390按金靜係可以銀行過數….我硬係覺得有其他方法比錢既….如果唔係其他遊客冇host點比錢…當然我就緊係叫Leandro幫我搞掂佢啦XD

今日團友有一家瑞典人, 一家美國人, 一對美國父子, 一家巴西人, 同我……點解全部都係同屋企人去既….

到左農場呀Don 就出黎迎接我地， 佢係我地今日既導遊

一開始就有empanada 食， 正~

之後第一個環節係騎馬~

巴西仔仔好得意！

排住隊行一圈，幾relax,  當然冇我起cambodia 起條大路同其他人賽馬咁刺激啦。。。

呢度都有提供住宿，可以起度住番晚架

之後就係坐馬車喇~

同瑞典媽媽傾計, 原來佢地一家四口已經旅行左半年, 將會再旅行多半年, 我好surprised咁問佢16,7歲既仔女唔洗番學架咩? 
佢話佢地有一年study break…….omg 如果我細個都有一年屋企人帶我去環遊世界你話幾好……突然有衝動想移民去瑞典….

呢度準備緊我地一陣食既ASADO~

呢度都有souvenir shop..

比我發現左隻孔雀！

巴西仔仔超得意!成日忍唔住追住佢黎影!!

之後呀Don同我地講下飲mate 文化， 同之前Leandro 同我講既差唔多~

之後又講下唔同餡料既empanada 有唔同摺法~

由左至右分別係芝士，羊肉，牛肉， 訓起度既係雞

跟住去食lunch 喇~
有asado 同沙律~ 一邊食仲有tango 表演~

之後到結他手輪流唱每個遊客國家既歌~到香港果陣,好surprise個結他手竟然識唱月亮代表我的心!! 後尾其他staff同我講原來佢起全世界有周圍表演, 亦曾經去過中國旅行, 所以學左呢首, 尋日先岩岩由德國表演完番黎咁話wor~ 不過又真係好好聽, 起阿根廷聽到中文歌真係好難得!

睇完tango 表演仲有同mini tango lesson 添！

家美國人好搞笑, 個爸爸成日搞爛gag~上tango lesson果陣超enjoy, 全部人番哂埋位佢都仲同人地老婆跳緊XD

最後輪到馬術表演~

其中一個遊戲係鬥快用棍挑起排起架上面既鎖匙~ 贏左果個可以揀一個在場女士索吻, 有男友或老公既就要錫隻馬~

第一輪贏左既果位揀左巴西媽媽, (佢真識揀, 巴西媽媽真係全場最索), 點知巴西爸爸即刻say no, 全場 dead air......

第二輪揀左美國媽媽, 佢不知幾風騷.....

臨走又有小食~甜既類似沙翁, 不過我中意咸既多D~

5點左右番到Buenos Aires之後發覺唔多夠cash, 所以去搵ATM拎錢, 點知試左4間銀行(BBVA Frances, Patagonia等等)都唔得, 最後諗到應該HSBC會拎到, 於是行番去五月廣場附近既HSBC, 終於禁到錢!!

最後一晚起Buenos Aires, 真係好唔捨得, 於是周圍去影下夜景

五月廣場

叫得南美巴黎, 全部銀行建築都好古典

女人橋 Puente de la Mujer, 有船經過果陣可以打開比船過

之後Leandro就出黎同我去食dinner喇~~

佢揀左Antares San Telmo, 個芝士薯條整得麻麻, 但我睇tripadvisor又好多好評wor, 不過黎飲野既話氣氛就唔錯, 佢地D手工啤酒好出名

之後執好行李訓一陣就3點幾出發去機場喇~(點解我揀左5:50am班機…晏D既話我就可以搭巴士慳番200peso的士錢…..)

雖然實際上我只係留左起Leandro度3日, 但臨走果陣我地都覺得好似已經識左大家兩個星期咁!! 

佢係起我咁多個host之中最有heart做好一個host, 準備得最多, 佢仲save哂D旅遊資訊起evernote度, 好似準備要做tour guide咁, haha!! 

同埋雖然今次起Buenos Aires有好多地方都唔夠時間去, 例如tigre, 名人墓園, 日本公園都冇去到, 但有Leandro呢個咁好既host, 真係令我起Buenos Aires感受到更多!!