Walter朝早番學之前車我去National Park入口, 我自己行去郵局, 咁又慳番來回400peso 既collectivo車錢喇, 佢話5pm黎接番我~
門票350peso, 售票處有map拎~
呢個就係我今日既路線, 橙色線係正常坐collectivo入去既, 但我就要行....
行行下經過火車路軌突然有個修理路軌既工人走出黎同我講日文!!! 好surprised!! Haha原來佢以為我係日本人, 好興奮咁話好難得起度見到日本人, 話佢識講幾句日文咁, 之前去過東京添, 仲即刻拎部電話出黎show比我睇佢之前去東京D相!! 睇黎佢真係好中意日本!! 哈哈!!
行左50分鐘左右去到郵局(估唔到有幾個人同我一樣都係行過去…),
上網睇人地遊記又話有中文世界最南點印章, 又話同伯伯吹水, 點知我去到靜係見到一堆遊客排長龍吸印, 想同伯伯講多兩句都冇時間….有D失望…
出番郵局出面影相, 諗住費事叫人幫手自己set腳架影相, 點知大風一吹差D吹跌左成set腳架連相機!!
好彩咁岩有個英文好好既tour guide見到即時幫我接住…..救左我寶貝一命…仲幫我影左好多相添~~
個tour guide好proud咁同我講佢係好少數之中born in
Ushuaia既英文tour
guide, 因為Ushuaia人既英文真係麻麻, 識英文既tour guide通常都係由Buenos
Aires黎既, 佢仲識幾句中文添!! 勁!! 傾傾下原來佢話佢都有couchsurfing,
可惜我唔係搵佢做host啦~
之後佢仲話如果我想跟佢車join佢個tour既話可以免費比我join添~ 不過我想行trekking
path, 所以就拒絕左佢既邀請喇~
影完相就開始行Costera Trail喇~~上面寫住8km要行3個鐘左右~
呢條木好似隻蜥蝪!!
3月尾係南美秋天既開始, Ushuaia岩岩開始有少少紅葉, 我估2星期之後呢度會好靚!!! 可惜時間好難預…..
行行下遇到一個環遊世界一年既荷蘭女仔, 有人一路吹水又幫下手影相真係好~~
荷蘭女起度研究緊點解得1隻雀起呢度, 唔通同屋企人失散左?
一細棵植物都有好多顏色
行到臨尾呢段真係有D悶同好攰…..終於行到去餐廳!! 我地起度食埋lunch再繼續
個司機仲特登兜我地入黎呢個湖影相添, 不過今日天陰陰....
番到入口Walter車番我番屋企, 但果陣我先知原來佢靜係可以host我尋晚….而家話車我去hostel….
又番左去El Refugio
del Mochilero, 呢間位置真係幾方便, 就起25
de Mayo條街,
Hea hea下突然靈機一觸試下起couchsurfing搵下今朝遇到既tour guide, 點知又真係比我搵到wor!!
因為佢profile寫住 fluent English, 又born in Ushuaia, 仲唔係佢?!
Message左佢之後佢話今晚要去一個朋友既birthday
party, 叫埋我一齊去咁話, 正!! 可以感受下南美人既生日party係點樣!!
佢接左我之後就一齊去supermarket, 佢話每人都會帶D野食過去整~ 點知過左陣就見到佢班fd又黎買野喇(Ushuaia真係好細, 得一個大超市), 佢買左塊牛排整ASADO~正~
去到party場地~~嘩!!!佢地book左成間house黎開party~好大呀!!!我仲以為全部都係同佢差唔多年紀既人, 點知原來大人小朋友咩年紀既都有!!
可以睇下佢地點樣準備ASADO, 其實同我地聚會BBQ真係好似, 有個小朋友都幫手一齊整添, 好cute!! 佢auntie叫佢做chef junior哈哈~
好彩我都帶左香港帶黎既杏仁餅做生日賀禮比壽星女~~
D小朋友仲大跳breakdance, 好正呀XD 估唔到仲有DJ捽碟機添!! 我都係第一次玩!!
呢個芝士蘑菇紅椒好食到不得了!!!
ASADO又點少得牛排呢?
呢度個個都好welcome我~~好warm~~仲同班小朋友一齊玩足球機, 感覺自己都成個大細路咁haha~~
佢地個生日蛋糕睇落平平無奇但食落出奇地好食!!! 又係我最愛既dulce
de leche口味, 但唔太甜, 正!!
但….我估唔到唱左次生日歌, 食完蛋糕, 又有第2個蛋糕拎出黎!! 再唱多次生日歌食多次蛋糕!! 唔得喇我飽死喇…
完左生日party之後, Ruben仲帶我去睇夜景添(因為party house起半山上面), 好靚!! 可惜我冇帶部相機出黎….
沒有留言:
張貼留言