食早餐果陣聽到有個人尋日起Camp Italiano果陣竟然比老鼠咬穿左佢個tent食左佢d野食…唔知佢帶左D咩食物咁吸引呢….
開左包2人份量既instant rice soup, 一倒完出黎都知唔夠食...加多D螺絲粉先夠,,,,
Santiagos們又係同我食同一包野haha, 好彩我有螺絲粉多姐, 可以分埋比佢地
今日由Cuernos去Camp Italiano紮好個營再輕裝來回法國谷, 睇落好似比尋日輕鬆好多, 而Santiago 3表兄妹今晚就要去Paine
Grande, 要行多兩個鐘
真係好彩Santiagos們尋日由Frances轉去Cuernos, 事關由Cuernos去Frances係係咁上斜…
尋日攰到咁根本冇可能行到呢段…..
起後面睇我個backpack同我個人既比例好唔match haha
就到法國谷果陣比我地見到有座山雪崩, 好壯觀!!
到左Refugio Frances 喇~~
行左兩個半鐘去到Camp Italiano, 紮好個營, 放哂我地D大backpack入去就開始輕裝出發法國谷喇~~(不過就算唔係起度扎營都有個位比人放低backpack既)
15分鐘左右就去到第一個Mirador喇~~但因為如果要來回法國谷既盡頭要行6個鐘(根據地圖), Santiagos們因為仲要去Paine Grande驚唔夠時間就決定起度hea多陣就番去喇~~
就起呢個時候我見到有一個著到同我幾乎一模一樣既韓國女仔Emilie, 原來佢都係想去到盡頭, 就咁就又有個伴一齊行喇~
好大條彩虹!
Emilie以為呢段路輕裝行應該好易, 所以成身就靜係得部相機同銀包電話! 點知中途好多rocky road, 又超級大風!! 好彩我有帶糧水一齊share食咋!!
到今日終於體會到百內既風有幾勁!! 我頂帽起呢度仲比時速近100km既風吹走左…仲以為實執唔番, 點知好好彩吹左落舊石度有其他人幫我執番!!
行到最後10分鐘難度好高, 又跣又斜……但上到Mirador真係覺得咩都值得哂….比群山包圍既感覺好正!! 好彩中途冇放棄到!!
之後番番Camp
Italiano, 而Emilie要去Refugio Frances, 交換左whatsapp就道別喇~~
呢個真係一個唔錯既camp site, 雖然出面好大風但呢度有好多好高既樹擋風~ 係差在個廁所環境差左D….
煮晚餐果陣識到個美藉越南裔Mai同佢男友Mike~一路煮一路傾~~佢地好surprised我準備左咁多食材, 因為佢地靜係帶左dehydrated
food…
沒有留言:
張貼留言