當一天的的喀喀湖原住民 Lake Titicaca@Puno

2月18日 當一天的的喀喀湖原住民 Lake Titicaca@Puno

Puno的Lake Titicaca (的的喀喀湖)是全世界最高的可行駛渡輪高山湖泊，面積約為八千多平方公里，高度接近四千公尺，位於秘魯東南端，與玻利維亞（Bolivia）交界，兩個國家各自擁有一半左右的面積。旅行社主要推的行程，分為半日、一日及二日遊。半日遊僅參觀浮島；一日遊包含浮島及Taquile島；二日遊則有浮島、Taquile島及Amantani島，並且住宿在島上體驗當地居民的生活。

朝早6點到Puno~ 但拎住D行李上島好唔方便, 所以是但搵間位置方便既hostel放低行李(我最叻就係好厚面皮咁唔住但又放行李起人地度XD, 開頭老闆話要起佢度報tour先比免費放行李, 點知最後唔洗不特止, 仲比我充埋電添!! So nice!!), Hostel早餐又係10sol包+果jam牛油, 緊係唔食啦, 於是我又行去碼頭果邊睇下有冇街邊早餐檔, 估唔到又比我搵到wor!!

起下圖AMANTANI間旅行社買完船飛等8點先上船, 周圍行下先~~

去market買左D桃比homestay主人做手信~

長傘裙係秘魯女人服飾特徵~

上到船先醒起報tour果陣唔記得問佢有冇英文導遊…原來呢個tour冇英文導遊…成個團既團友都係南美人…仲要唔識英文…想搵人傾句計都冇T___T

湖上其實有幾十個蘆葦浮島, 係古時當地人為左逃避西班牙人攻打, 所以用蘆葦做成浮島, 起島上生活~ 冇幾耐我地就上其中一個蘆葦浮島

島上既屋同櫈、工藝品都係用蘆葦做既

我地上既呢個島比較細, 一眼就望哂成個島! 

呢度仲有個小型mirador添~

島上居民仲即席示範蘆葦島係點樣製作

上mirador睇下先~

估唔到佢地裝哂太陽能發電板咁先進(咁又係...D島都駁唔到電纜....)

船長比左D生果島上既小朋友, 佢地玩得好開心!!

之後就上番船繼續前往Amantani島, 正當我好擔心咁問船長我唔識西班牙文住起當地人度有冇問題既時候, 船長個女同我講原來佢識英文既!! 太好喇!! 佢話佢媽媽係Amantani島上原住民, 而佢爸爸係帶團果陣識到佢媽媽, 但佢媽媽唔想離開Amantani島去Puno生活, 所以佢一個月先番去探佢媽媽一次, 估唔到一個月一次都比我撞到佢!! So lucky!! 佢話成家人得佢一個有去學英文, 因為佢唔想成世靜係留起Puno, 想去其他國家睇下呢個世界, 呢個心態非常之好呀!!

佢仲話佢都想練下英文, 今日下晝可以帶我上島上既印加神廟Pachatata, 做我私人導遊!! 正!!

落左船之後船長就幫我地同當地居民配對, 我同一對Cusco夫婦被分配左去同一戶當地人度~

佢地間屋唔單止望到Titicaca湖, 出面仲有塊藜麥田添!! 我而家先知原來藜麥係咁靚架!!

我間房成家人黎都夠訓呀!!



休息一陣就煮好飯喇~~ 一如秘魯特色, 靜係碗勁多料既湯都夠窒飽我個肚...佢地仲習慣摘D香草(我唔記得個名..)好似lemongrass咁用黎焗茶飲~好似話呢種herb靜係起Amantani先搵到架咋~ 

Cusco夫婦同屋主夫婦有傾有講, 呢個moment好想自己學多兩句西班牙文...我唯有show下香港既食物同生活環境比佢地睇下, 佢地都對香港呢個地方幾好奇~

食完果陣Cusco夫婦問我有冇帶泳衣, 下?! 原來佢地話因為呢度冇得沖涼, 所以諗住去碼頭隔離既沙灘落水沖涼....雖則我冇泳衣, 不過反正未夠鐘上pachatata, 就同佢地一齊去行下啦~~

去到沙灘佢地就起度換泳衣, 搞到我唔係幾好意思要擰轉面...(不過如果我有帶泳衣既話我都好想落水, 起世界最高既湖游水wor!!) 湖度有好多鴨起度游緊, 我仲同佢地講可以nadar con pato(swim with ducks)添!!哈哈!!

十分鐘左右佢地就上水喇~~行番去民宿果陣佢地唔記得點行, 好彩我記得咋haha~~
睇住佢地五十幾歲人仍然拖住手一齊行真係好鬼sweet

冇幾耐船長個女就黎接我一齊上pachatata喇, 原來佢媽媽間屋就起我隔離, 佢仲特登換番島上傳統服裝添!!

船長個女同佢媽媽~~

幾乎係秘魯最寧靜既武器廣場

 又係好靚既藜麥田~

起海拔接近4000米上山都真係唔係講笑, 連起puno生活既船長個女都有D喘氣(好彩佢同我一樣高都行得好慢XD) 一邊上山一邊望住lake titicaca既風景好靚!!!

Pachatata係父神, 另外仲有Pachamama母神, 係島上既兩座山, 通過3道Pachatata gate就到達山頂上既印加神廟

差唔多到山頂果陣會見到路邊有好多當地婦女賣souvenir, 我地仲撞到船長個女個婆婆都起度賣緊添~~可惜我冇咩秘魯幣剩低....想幫襯下都唔得...

上到山頂lu~~船長個女話要順時針圍住神廟行三個圈, 話會帶黎好運喎!!

可以望到遠處既Taquile島~~

起山頂好大風, 高處不勝寒, 落山先...(好後悔冇去埋pachamama, 團友話pachamama可以影panorama, 風景仲靚添), 落山經過個小小小型教堂, 船長個女話以前西班牙人攻打到黎呢個島, 島上居民就係起度放迷魂煙擊退左佢地~

番到民宿一陣就食晚餐喇~

仲諗住呢度冇光害可以睇星星, 點知呢晚橫風橫雨....

今日係第一日冇左E先生起隔離, 發現自己一個free好多, 又唔洗成日追住1米8既行路速度...haha~~

--------------------------------------------------------------------------------------------------------------------------

Puno實用資訊:

-       Puno海拔3900米, 容易引發高山症, 最好帶定Sorojchi或diamox

-       一般Puno既兩日一夜tour係第一日Isla Flotantes Uros 蘆葦浮島, 夜宿Amantani島當地人屋企, 第二日去Taquile島, 但因為我想book既Copacabana hostal: Hostal Las Olas起出發前3個月book就已經得番聽晚有房…所以唯有skip左Taquile先趕得切..

-       另外亦有一日團去Uros同Taquile, 但因為我主要想起當地人屋企住一晚, 所以揀左第一個option

-       Tour可以直接起碼頭book, 船票25sol, Amantani島上既食宿費45sol, 係直接比屋主, 咁樣就唔洗比旅行社食水啦~ 所以咁book係一定平過起hostel或旅行社book

-