意志的考驗 - 百內Day2

3月20日 意志的考驗 - 百內Day2

鬧鐘響左…但尋晚訓得唔係幾好…好唔想起身….

但起呀Greg不斷引誘”Trust me we will see a beautiful sunrise!!”…終於行到出個tent…雖然一開始好凍, 但行一陣就已經熱到要除風褸~

黑媽媽跟住呀Greg一路行, 睇唔清楚竟然到左我都唔知添!!

 因為落住毛毛雨又大霧, 睇唔到三塔….不過好彩日出果陣太陽照落Glacier果陣一片紅色都好靚, 仲出現彩虹添!!

之後發現原來去mirador中途有個位睇日出仲正~~仲遇到3個韓國人請我地一齊飲啤酒添~佢地4am由Refugio Chileno出發…西利…韓妹仲話佢地呢兩日行左30km隻腳就黎斷XD 我隻腳可能好快都攰到就斷haha

之後番camp site煮早餐, 雞湯加面包~~

之後Greg, Arturo, Oscar要行O trek, 我地就此道別喇~~而我就同3表兄妹一齊繼續行W trek~

佢地今日要去Refugio Frances, 而我就去Refugio Cuernos, 即係佢地仲要行多我2個鐘!!

去到Refugio Chileno又撞番Greg佢地, Greg話已經起度沖完熱水涼再洗埋衫….強…..

其實都唔係好明點解起秘魯果陣要專登去睇condor, patagonia周圍都係condor

今日由camp site落Las Torres一段主要都係落山都還好, 但之後去Cuernos一段就攰到反白眼…..呀哥講左句…”What are we doing here…..”

仲要中途比我地見到有個牌寫住”Shortcut to Chileno”… 即係我地兜遠左…灰到震…

湖水顏色靚到不得了!!

星星係我地而家既位置, 終於上到最高點...感動!!!

行到呢度細佬個膊頭痛到要食止痛藥添...(其實我都想食…)…雖然攰到癲, 但中途一齊share野食, 睇下雲講下笑, 互相影下相, 總算支撐到….如果冇左佢地我都唔知點捱到去Cuernos…

佢地竟然起中途撞到佢地堂妹(佢地事前都唔知大家黎百內), 好有緣!!

幾經辛苦7點幾終於去到Cuernos!! 因為太攰既關係, 佢地決定由Frances轉去Cuernos度camping, 好彩都係Fantastic Sur營運既, 可以免費轉~~

而我就因為要叉電, 所以今晚揀左住起Refugio入面, 其實就好似hostel咁, 我住既係8人dorm room, 但充電就要起房出面…同房有對日本人夫婦, 男巴係黎自北海道, 女既黎自東京(唔知點解即刻諗起<你的名字>套戲…) 佢地岩岩結左婚, 黎南美旅行度蜜月, 之後一齊番北海道打理佢爸爸既農場(成功需父幹…) 聽落都覺得好羨慕!!! 沖個熱水涼同洗衫之後就去煮晚餐喇~

路過見到其他住客等緊Dinner~

Refugio既cooking area環境比free camp site好好多~~成個hostel dining room咁, 有水喉, 有桌椅, 仲有回收垃圾桶添~

入到黎已經見到3表兄妹已經食緊, 不過今晚又有意外….好彩唔係好嚴重…晚餐同聽日lunch都係exactly同尋日一樣~

食完飯行出去見到銀河…成天星星…好感動!! 同Atacama星空團果晚差唔多!! 好感恩!!

今日行到咁攰…好彩今晚係訓床咋…睡眠質素真係差好遠…..