第五個國家?! 巴西Iguazu

3月11日 第五個國家?! 巴西Iguazu

朝早起Hostel食早餐, 坐對面既係同房一對由Buenos Aires黎既兩父子, 爸爸英文唔係好得, 係咁問仔仔點樣用英文問, 再用英文問番我, 問左十幾句之後仔仔答到就黎反白眼, 好好笑XD

原來佢地黎Iguazu並唔係黎睇瀑布, 而係要坐車去Paraguay一個東邊城市買made in China既電子用品!! 話連埋機票(當地人買機票1500peso左右來回, 我巴士一程都要1500peso…機票來回2700peso左右) 都仲平過起Buenos Aires買! 真係好surprised!!! 突然覺得自己好幸福!! 人地要突登飛去第二個國家買既野, 我上淘X禁幾個制第2日就收到….

搭最早8:30am既巴士去巴西Iguazu, 連埋過關40分鐘左右就到

巴士站

靜係去Iguazu都要過關架! 踏入南美第五個國家!!

完全冇巴西幣既我發現有Automachine賣門票, 可以碌卡, 非常先進方便!!

 

又見到Coati~

雖然巴西Iguazu得一條Trail, 又細好多, 但就同瀑布好近!!好震撼!!

黎到呢度一係著雨衣, 一係濕哂..... 

鏡頭都濕哂....

可以行到好近好近!! 

之後搭escalator上去, 可以府瞰瀑布

之後就番去喇~

我想搭1點果架巴士番阿根廷, 可惜等到1:20pm都未等到架巴士…而我都明白南美巴士遲到有幾咁common….但我番Buenos Aires 架巴士係2:20pm.....

起冇辦法之中我揀左搭的士, 盛惠450pesoT__T, 好肉赤….不過搭的士過關快好多…1:40pm已經番到hostel, 拎完行李仲有時間食個lunch添….

今日揀左搭貴D既巴士公司(因為時間上得呢架適合) Via Bariloche, 貴野真係唔同D! 有枕頭有被, 連”巴少”都靚仔D!! 我隔離仲有張bar台, 有冷熱水機, 冰箱, 設備好齊全!!

 正當我影緊套bar台果陣, 唔知巴少係咪以為我影緊佢, 佢仲話不如…..影selfie添! haha

佢知我係香港人, 竟然仲專登揀左套有Jackie Chan既電影起巴士度播!! 哈哈真係估佢唔到!!

夜晚果陣因為有一家三口上車想同我調位, 於是我就坐左起巴少隔離喇, 不過巴少唔識英文, 全程用google translate同佢溝通XD 

原來佢已經做左巴少十年喇…唔怪得之見佢托住一盤廿杯野飲都面不改容啦…佢仲話諗住今年轉行番自己住既city揸巴士, 因為成日要travel識唔到女朋友咁話, haha

估唔到晚餐野飲有得揀成支紅/白酒!! 起阿根廷真係飲酒平過飲水!! 巴少開左1支紅1支白比我, 晚餐仲好豐富添, 好食過Tigre Iguazu果D好多! 貴左果200peso係值既!!